എഡ്മന്റൺ: എഡ്മന്റണിലും പരിസര പ്രദേശങ്ങളിലും ഈ ആഴ്ചയിലുടനീളം ശക്തമായ ചൂട് തുടരുമെന്ന് കാലാവസ്ഥാ പ്രവചനം. തിങ്കളാഴ്ച നഗരത്തിൽ 27 ഡിഗ്രി സെൽഷ്യസ് ചൂട് രേഖപ്പെടുത്തിയിരുന്നു. വരും ദിവസങ്ങളിലും ഇതേ രീതിയിൽ ചൂട് തുടരുമെന്നും വെള്ളിയാഴ്ചയോടെ താപനില 30 ഡിഗ്രി സെൽഷ്യസ് വരെ ഉയർന്നേക്കാമെന്നും കാലാവസ്ഥാ നിരീക്ഷകർ വ്യക്തമാക്കുന്നു. ശക്തമായ ഉഷ്ണതരംഗം കാരണം തെക്കുകിഴക്കൻ, ഈസ്റ്റ്-സെൻട്രൽ ആൽബർട്ട പ്രദേശങ്ങളിൽ ഈ ആഴ്ചയിലുടനീളം ഹീറ്റ് വാണിംഗ് നിലവിലുണ്ടാകും.
അതേസമയം പടിഞ്ഞാറൻ ആൽബർട്ടയിൽ താപനില താരതമ്യേന കുറവായിരിക്കും. വരും ദിവസങ്ങളിൽ എഡ്മന്റൺ മേഖലയിൽ ഒറ്റപ്പെട്ട ഇടിയോടുകൂടിയ ചെറിയ മഴയ്ക്ക് നേരിയ സാധ്യതയുണ്ടെങ്കിലും ഭൂരിഭാഗം സ്ഥലങ്ങളും വരണ്ട അന്തരീക്ഷത്തിലായിരിക്കും തുടരുക. എന്നാൽ കടുത്ത ചൂടിന് ആശ്വാസമേകി വാരാന്ത്യത്തോടെ കാലാവസ്ഥയിൽ വലിയ മാറ്റമുണ്ടാകാൻ സാധ്യതയുണ്ട്. ശനിയാഴ്ച രാത്രിയോ ഞായറാഴ്ചയോട് കൂടിയോ ശക്തമായ മഴ പെയ്യുമെന്നാണ് സൂചന. ഞായറാഴ്ചയോടെ താപനില 17 ഡിഗ്രി സെൽഷ്യസിലേക്ക് താഴുമെന്നും അടുത്ത ആഴ്ച പകുതിയോടെ മാത്രമേ താപനില വീണ്ടും 20 ഡിഗ്രിയിലേക്ക് തിരിച്ചെത്തുകയുള്ളൂ എന്നും റിപ്പോർട്ടുകൾ വ്യക്തമാക്കുന്നു.
Hot spell lingers through the week
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
