ഭരണപക്ഷത്തിന് വ്യക്തമായ ഭൂരിപക്ഷമുള്ളതിനാൽ യുഡിഎഫ് (UDF) സ്ഥാനാർത്ഥിയായ തിരുവഞ്ചൂർ രാധാകൃഷ്ണൻ പതിനാറാം കേരള നിയമസഭയുടെ സ്പീക്കറായി തിരഞ്ഞെടുക്കപ്പെടുമെന്ന് ഉറപ്പാണ്. എൽഡിഎഫ് (LDF) സ്ഥാനാർത്ഥിയായി എ.സി മൊയ്തീനും ബിജെപി (BJP) സ്ഥാനാർത്ഥിയായി ബി.ബി ഗോപകുമാറുമാണ് മത്സരരംഗത്തുള്ളത്. കേരള നിയമസഭയുടെ ചരിത്രത്തിൽ ഇതാദ്യമായാണ് സ്പീക്കർ സ്ഥാനത്തേക്ക് മൂന്ന് സ്ഥാനാർത്ഥികൾ മത്സരിക്കുന്നത് എന്ന പ്രത്യേകതയും ഈ തിരഞ്ഞെടുപ്പിനുണ്ട്.
രാവിലെ 9 മണിക്ക് സഭയ്ക്കുള്ളിൽ ഇരിപ്പിടം അനുസരിച്ചുള്ള വോട്ടെടുപ്പ് ആരംഭിക്കും. പുതിയ കീഴ്വഴക്കങ്ങൾക്കൊപ്പം മുഖ്യമന്ത്രി വി.ഡി സതീശനാകും സഭയിൽ ആദ്യ വോട്ട് രേഖപ്പെടുത്തുക. വോട്ടെടുപ്പ് ഫലം പ്രഖ്യാപിച്ച ശേഷം പുതിയ സ്പീക്കറെ മുഖ്യമന്ത്രിയും പ്രതിപക്ഷ നേതാവും ചേർന്ന് ഔദ്യോഗികമായി സ്പീക്കറുടെ ഇരിപ്പടത്തിലേക്ക് ആനയിക്കും.
ഈ തിരഞ്ഞെടുപ്പിന് ശേഷം മെയ് 23 മുതൽ 28 വരെ നിയമസഭ സമ്മേളിക്കില്ല. തുടര്ന്ന് മെയ് 29-നാണ് ഗവർണറുടെ നയപ്രഖ്യാപന പ്രസംഗം നിശ്ചയിച്ചിരിക്കുന്നത്. ജൂൺ ഒന്നിന് ഡെപ്യൂട്ടി സ്പീക്കർ തിരഞ്ഞെടുപ്പ് നടക്കും. തുടർന്ന് ജൂൺ ഒന്ന് മുതൽ മൂന്ന് വരെയുള്ള ദിവസങ്ങളിൽ ഗവർണറുടെ നയപ്രഖ്യാപനത്തിൻമേലുള്ള നന്ദിപ്രമേയ ചർച്ചകൾ സഭയിൽ നടക്കുമെന്നും അറിയിച്ചിട്ടുണ്ട്.
The Speaker of the Legislative Assembly will be known today; for the first time in history, three candidates!
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
