കാനഡയിൽ നിന്നുള്ള മിക്ക ഇറക്കുമതികൾക്കും പ്രസിഡന്റ് ഡൊണാൾഡ് ട്രംപ് ഏർപ്പെടുത്തിയ 25% താരിഫുകൾ റദ്ദാക്കുന്നതിനുള്ള പ്രമേയത്തിന് അനുകൂലമായി വോട്ട് ചെയ്യാൻ അമേരിക്കൻ സെനറ്റർമാരോട് കാനഡയിലെയും അമേരിക്കയിലെയും തൊഴിലാളി യൂണിയനുകൾ ആവശ്യപ്പെടുന്നു. ഡെമോക്രാറ്റിക് സെനറ്റർ ടിം കെയ്ൻ നേതൃത്വം നൽകുന്ന ഈ പ്രമേയത്തിൽ ചൊവ്വാഴ്ച യുഎസ് സെനറ്റ് വോട്ടെടുക്കും.
ഫെന്റാനിൽ കടത്തുമായി ബന്ധപ്പെട്ട ദേശീയ അടിയന്തരാവസ്ഥയുടെ പേരിൽ ന്യായീകരിച്ചിട്ടുള്ള ഈ താരിഫുകൾ അനാവശ്യവും ഹാനികരവുമാണെന്ന് കനേഡിയൻ ലേബർ കോൺഗ്രസും അമേരിക്കൻ ഫെഡറേഷൻ ഓഫ് ലേബറും വാദിക്കുന്നു. യുഎസിലേക്ക് വരുന്ന ഫെന്റാനിലിന്റെ 1% ത്തിൽ താഴെ മാത്രമേ കാനഡയിൽ നിന്ന് വരുന്നുള്ളൂവെന്ന് യുഎസ് കസ്റ്റംസ് ഡാറ്റ കാണിക്കുന്നു.
ഈ താരിഫുകൾ ലക്ഷക്കണക്കിന് തൊഴിലുകൾക്ക് ഭീഷണികൽ ഉയർത്തുന്നുണ്ട്, ഉപഭോക്തൃ വിലകൾ വർദ്ധിപ്പിക്കുന്നു, കൂടാതെ രണ്ട് രാജ്യങ്ങൾ തമ്മിലുള്ള അടുത്ത സാമ്പത്തിക ബന്ധങ്ങളിൽ സമ്മർദ്ദം ഉണ്ടാക്കുന്നുവെന്ന് യൂണിയനുകൾ മുന്നറിയിപ്പ് നൽകുന്നു. പ്രമേയത്തിന്റെ വിജയസാധ്യതയെക്കുറിച്ച് കനേഡിയൻ ലേബർ കോൺഗ്രസ് പ്രസിഡന്റ് ബിയ ബ്രസ്ക് സംശയം പ്രകടിപ്പിക്കുന്നുണ്ടെങ്കിലും തുടർച്ചയായ പ്രചാരണ പ്രവർത്തനങ്ങൾ നടത്തുമെന്ന് അവർ ഉറപ്പ് നൽകി.
ട്രംപ് ഈ മാസം ആദ്യം കാനഡയ്ക്കും മെക്സിക്കോയ്ക്കും മേൽ താരിഫുകൾ ഏർപ്പെടുത്തിയെങ്കിലും ഏപ്രിൽ 2 വരെ അവ താൽക്കാലികമായി നിർത്തിവച്ചിരിക്കുകയാണ്. സാമ്പത്തിക വ്യവസ്ഥയെ തകരാറിലാക്കുന്നതിനും ഉപഭോക്താക്കൾക്ക് ചെലവുകൾ വർദ്ധിപ്പിക്കുന്നതിനും താരിഫുകളെ കെയ്നും ചില റിപ്പബ്ലിക്കനുകളും വിമർശിക്കുന്നു.
