കേരള നിയമസഭ തെരഞ്ഞെടുപ്പിൽ പുതുപ്പള്ളി നിയോജകമണ്ഡലത്തിൽ യുഡിഎഫ് സ്ഥാനാർത്ഥി ചാണ്ടി ഉമ്മന് തകർപ്പൻ വിജയം. 52,907 വോട്ടുകളുടെ റെക്കോർഡ് ഭൂരിപക്ഷമാണ് അദ്ദേഹം ഇത്തവണ സ്വന്തമാക്കിയത്. ചാണ്ടി ഉമ്മൻ 84,031 വോട്ടുകൾ നേടിയപ്പോൾ, പ്രധാന എതിരാളികളായ എൽഡിഎഫ് സ്ഥാനാർത്ഥി കെഎം രാധാകൃഷ്ണൻ 31,124 വോട്ടുകളും, എൻഡിഎ സ്ഥാനാർത്ഥി രവീന്ദ്രനാഥ് വാകത്താനം 11,544 വോട്ടുകളും നേടി.
ഈ തെരഞ്ഞെടുപ്പിൽ ചാണ്ടി ഉമ്മന്റെ പുതിയൊരു മുഖമാണ് കേരളം കണ്ടത്. പരമ്പരാഗത പ്രചാരണ രീതികളിൽ നിന്ന് വ്യത്യസ്തമായി, പോസ്റ്ററുകൾ ഉപയോഗിക്കാതെയും സൈക്കിൾ ചവിറ്റിയെത്തി വോട്ട് അഭ്യർത്ഥിച്ചും അദ്ദേഹം മണ്ഡലത്തിൽ വലിയ ചർച്ചകൾക്ക് വഴിവെച്ചു. ലാളിത്യത്തിലൂടെയും വ്യത്യസ്തമായ പ്രതികരണങ്ങളിലൂടെയും ജനശ്രദ്ധയും മാധ്യമശ്രദ്ധയും ഒരുപോലെ നേടിയ യുവനേതാവ് പുതുപ്പള്ളിയുടെ ഹൃദയത്തിൽ തന്റെ സ്ഥാനം വീണ്ടും ഉറപ്പിച്ചു.
അരനൂറ്റാണ്ടുകാലം ഉമ്മൻ ചാണ്ടി എന്ന ഒരേയൊരു നേതാവിനെ മാത്രം നിയമസഭയിലേക്ക് എത്തിച്ച ചരിത്രമുള്ള മണ്ഡലമാണ് പുതുപ്പള്ളി. ഉമ്മൻ ചാണ്ടി 53 വർഷത്തോളം മണ്ഡലത്തിൽ പുലർത്തിയ പ്രവർത്തന രീതിയാണ് ചാണ്ടി ഉമ്മനിലൂടെ ജനങ്ങൾ വീണ്ടും കാണുന്നത്. ജനങ്ങളിലേക്കിറങ്ങി, അവരുടെ പ്രശ്നങ്ങൾ കേട്ട് പരിഹാരം കാണുന്ന ഈ ജനകീയ സമീപനമാണ് വോട്ടർമാർ വീണ്ടും വിശ്വസിച്ച് ഏൽപ്പിച്ചത്.
നേരത്തെ 2023-ൽ നടന്ന ഉപതെരഞ്ഞെടുപ്പിൽ 37,000-ത്തോളം വോട്ടുകളുടെ ഭൂരിപക്ഷത്തോടെ വിജയിച്ച ചാണ്ടി ഉമ്മൻ, 2026-ൽ ആ റെക്കോർഡ് ഭൂരിപക്ഷം മറികടന്ന് 52,907 വോട്ടുകൾ നേടിയാണ് വീണ്ടും നിയമസഭയിലെത്തുന്നത്. ഉമ്മൻ ചാണ്ടിയുടെ മകൻ എന്നതിലുപരി പുതുപ്പള്ളിയിൽ സ്വന്തമായ രാഷ്ട്രീയ വ്യക്തതയും വേരോട്ടവുമുണ്ടെന്ന് തെളിയിക്കുന്നതാണ് ഈ തെരഞ്ഞെടുപ്പ് ഫലം.
This is not a sympathy vote, it is a huge majority, Puthuppally has embraced Oommen Chandy’s son
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
