SpaceX മാർച്ച് 31-ന് രാത്രി 9:46-ന് (ഇന്ത്യൻ സമയം ഏപ്രിൽ 1, രാവിലെ 7:16) ഫ്ലോറിഡയിലെ NASA കെന്നഡി സ്പേസ് സെന്ററിൽ നിന്ന് ചരിത്രപരമായ Fram2 ദൗത്യം ആരംഭിക്കുന്നു. പോളാർ ഓർബിറ്റിലേക്കുള്ള ആദ്യ മനുഷ്യ ബഹിരാകാശ യാത്രയായ ഇതിൽ നാല് ബഹിരാകാശ യാത്രികരെ ഭൂമിയുടെ താഴ്ന്ന ഭ്രമണപഥത്തിലേക്ക് കൊണ്ടുപോയി വടക്കും തെക്കുമുള്ള ധ്രുവങ്ങൾക്ക് മുകളിലൂടെ പറക്കുന്ന ഈ അതുല്യമായ ദൗത്യം ബഹിരാകാശത്തെ ശാസ്ത്ര ഗവേഷണം മുന്നോട്ട് കൊണ്ടുപോകാൻ ലക്ഷ്യമിടുന്നു.
Fram2 സംഘത്തിൽ മിഷൻ കമാൻഡർ ചുൻ വാങ്, വെഹിക്കിൾ കമാൻഡർ ജാനിക്കെ മിക്കൽസൻ, വെഹിക്കിൾ പൈലറ്റ് റാബിയ റോഗെ, മെഡിക്കൽ ഓഫീസർ എറിക് ഫിലിപ്സ് എന്നിവരുണ്ട്. ഈ യാത്രയിൽ അവർക്ക് അറോറ ബൊറിയാലിസ് പോലുള്ള പ്രകൃതി ദൃശ്യങ്ങൾ കാണാൻ സാധിക്കും എന്നും പറയപ്പെടുന്നു. സംരംഭകനായ വാങ് ആണ് ദൗത്യത്തിന്റെ പ്രധാന ഇൻവെസ്റ്റർ. റോഗെ ബഹിരാകാശത്തെത്തുന്ന ആദ്യ ജർമ്മൻ വനിതയായി ചരിത്രം സൃഷ്ടിക്കും. SpaceX-ന്റെ Dragon ബഹിരാകാശ പേടകത്തിലാണ് ടീം പോകുന്നത്, ഇത് നേരത്തെ Crew-1, Inspiration4 തുടങ്ങിയ ദൗത്യങ്ങൾക്കും ഉപയോഗിച്ചിട്ടുണ്ട്.
ദൗത്യത്തിൽ, Specific Gravity-ൽ മനുഷ്യ ആരോഗ്യം പഠിക്കാനുള്ള 22 ശാസ്ത്ര പരീക്ഷണങ്ങൾ നടത്തും. പേശികളും അസ്ഥികളും പരിശോധിക്കാൻ ബഹിരാകാശത്ത് ആദ്യമായി എക്സ്-റേ എടുക്കുക എന്നതാണ് ഏറ്റവും പ്രധാന പരീക്ഷണം.അതേപോലെ Specific Gravity-ൽ കൂൺ വളർത്തുന്നതും, ബഹിരാകാശ യാത്രികർക്ക് ഡോക്ടറുടെ സഹായമില്ലാതെ പേടകത്തിന് പുറത്തിറങ്ങാനുള്ള സാധ്യത പരിശോധിക്കുന്നതും മറ്റ് പരീക്ഷണങ്ങളിൽ ഉൾപ്പെടുന്നു, ഇത് ദീർഘകാല ബഹിരാകാശ യാത്രകൾക്ക് പ്രധാനമാണ്.
നിശ്ചിത സമയത്തിനു ശേഷം 4.5 മണിക്കൂർ വരെ വിക്ഷേപണ അവസരങ്ങളും ഏപ്രിൽ 2-ന് ബാക്കപ്പ് അവസരവും ഉള്ളതിനാൽ, SpaceX ഈ ദൗത്യത്തിന് നന്നായി തയ്യാറെടുത്തിട്ടുണ്ട്. ബഹിരാകാശ പര്യവേക്ഷണത്തിൽ ഒരു സുപ്രധാന ചുവടുവയ്പ്പാവുന്ന Fram2, ശാസ്ത്രീയ വികാസത്തിനും ഭാവി പോളാർ ഓർബിറ്റ് ദൗത്യങ്ങൾക്കും പുതിയ വഴികൾ തുറക്കുന്നു.
