കാനഡയിലെ ട്രാൻസ്പോർട്ട് 2024, 2025 മോഡൽ വർഷങ്ങളിലെ 2,000-ത്തോളം Cyber truck- ന്റെ പുറംഭാഗത്തെ Stainless steel trim panels ഡ്രൈവിംഗിനിടെ അഴിഞ്ഞു പോകാൻ സാധ്യതയെ തുടർന്ന് തിരിച്ചുവിളിച്ചു. യു.എസിൽ ഏകദേശം 46,000 വാഹനങ്ങൾ ആണ് തിരിച്ചു വിളിച്ചത്. വാഹനത്തിന്റെ പുറംഭാഗം ഇളകി അപകടമുണ്ടാക്കാൻ സാധ്യതയുണ്ടെന്ന് അധികൃതർ അറിയിച്ചു.
2023 നവംബർ 13 നും 2025 ഫെബ്രുവരി 27 നും ഇടയിൽ നിർമ്മിച്ച വാഹനങ്ങളുടെ ഉടമകളെ Tesla സൗജന്യമായി അറ്റകുറ്റപ്പണി നടത്താനായി ബന്ധപ്പെടും. കേടായ ഭാഗങ്ങൾ മാറ്റിസ്ഥാപിക്കുന്നതിനുള്ള ലഭ്യത അനുസരിച്ച് അപ്പോയിന്റ്മെന്റ് എടുക്കാൻ കമ്പനി ഉപഭോക്താക്കളോട് ആവശ്യപ്പെട്ടിട്ടുണ്ട്. വാഹന ഉടമകൾക്ക് തൽക്കാലം ഈ വാഹനം ഉപയോഗിക്കാമെന്നും Tesla അറിയിച്ചു.
ഉപഭോക്താക്കൾക്ക് ഇമെയിൽ വഴി അറിയിപ്പ് ലഭിക്കുമെന്നും, വാഹനത്തിന്റെ ‘Recall status’ ഓൺലൈനായി പരിശോധിക്കാമെന്നും അല്ലെങ്കിൽ Tesla-യെ നേരിട്ട് ബന്ധപ്പെടാമെന്നും കമ്പനി അറിയിച്ചു. സൈബർട്രക്കിന്റെ നിർമ്മാണത്തിലെ ഗുണനിലവാരത്തെക്കുറിച്ചുള്ള ആശങ്കകൾ ഈ റീകോൾ എടുത്തു കാണിക്കുന്നു. കാനഡയിലെയും യുഎസിലെയും സുരക്ഷാ അധികാരികൾ സ്ഥിതിഗതികൾ നിരീക്ഷിച്ചു വരികയാണ്.
