ഒട്ടാവ: പ്രധാനമന്ത്രി മാർക്ക് കാർണിയുടെ നേതൃത്വത്തിലുള്ള ലിബറൽ സർക്കാർ 2026-ലെ Spring Economic Update പാർലമെന്റിൽ അവതരിപ്പിച്ചു. സാധാരണക്കാരുടെ പോക്കറ്റ് ചോരാതെ കാക്കുന്നതിനൊപ്പം നൈപുണ്യ വികസനത്തിനും കായിക മേഖലയ്ക്കും മുൻഗണന നൽകുന്നതാണ് പുതിയ പ്രഖ്യാപനങ്ങൾ.
- സ്കിൽഡ് ട്രേഡ് മേഖലയിൽ വൻ നിക്ഷേപം
‘ടീം കാനഡ സ്ട്രോങ്ങ്’ (Team Canada Strong) എന്ന പേരിൽ 5.9 ബില്യൺ ഡോളറിന്റെ പദ്ധതിയാണ് സർക്കാർ പ്രഖ്യാപിച്ചിരിക്കുന്നത്. അടുത്ത അഞ്ച് വർഷത്തിനുള്ളിൽ ഒരു ലക്ഷത്തോളം പുതിയ റെഡ് സീൽ (Red Seal) വിദഗ്ധ തൊഴിലാളികളെ സൃഷ്ടിക്കുകയാണ് ലക്ഷ്യം. യുവാക്കൾക്ക് ട്രേഡ് മേഖലയിൽ ശമ്പളത്തോടു കൂടിയ പരിശീലനവും ബോണസും ലഭിക്കും.
- സി.പി.പി (CPP) വിഹിതത്തിൽ കുറവ്
കാനഡ പെൻഷൻ പ്ലാനിലേക്കുള്ള (CPP) ജീവനക്കാരുടെ വിഹിതം 9.9 ശതമാനത്തിൽ നിന്ന് 9.5 ശതമാനമായി കുറച്ചു. ഇത് ശമ്പളത്തിൽ നിന്നുള്ള കട്ടിംഗ് കുറയ്ക്കാനും കൈവശം കിട്ടുന്ന തുക വർദ്ധിപ്പിക്കാനും സഹായിക്കും. ഉദാഹരണത്തിന്, 70,000 ഡോളർ വാർഷിക വരുമാനമുള്ള ഒരാൾക്ക് ഏകദേശം 133 ഡോളറിന്റെ ലാഭമുണ്ടാകും.
- കായിക മേഖലയ്ക്ക് ‘പ്ലേഗ്രൗണ്ട് ടു പോഡിയം’
കായികതാരങ്ങളെ പ്രോത്സാഹിപ്പിക്കുന്നതിനായി 755 മില്യൺ ഡോളറിന്റെ ബൃഹത്തായ പദ്ധതി പ്രഖ്യാപിച്ചു. ലോകോത്തര കായിക മത്സരങ്ങൾ കാനഡയിലേക്ക് എത്തിക്കാനും അത്ലറ്റുകളുടെ മാനസികാരോഗ്യം ഉറപ്പാക്കാനും ഇതിലൂടെ ലക്ഷ്യമിടുന്നു.
- വിമാനയാത്രക്കാരുടെ പരാതികൾക്ക് വേഗത്തിൽ പരിഹാരം
വിമാനയാത്രയുമായി ബന്ധപ്പെട്ട പരാതികളുടെ കുന്നുകൂടിക്കിടക്കുന്ന ബാക്ക്ലോഗ് തീർക്കാൻ പുതിയ സംവിധാനം വരുന്നു. ബ്രിട്ടനിലെയും യൂറോപ്പിലെയും മാതൃകയിൽ ഒരു തേർഡ് പാർട്ടി ഏജൻസിയെ ഇതിനായി നിയോഗിക്കും. ഇതോടെ യാത്രക്കാർക്ക് അർഹമായ നഷ്ടപരിഹാരം വേഗത്തിൽ ലഭിക്കും.
- ഹോം ബയേഴ്സ് പ്ലാനിൽ (HBP) ഇളവ്
ആദ്യമായി വീട് വാങ്ങുന്നവർക്ക് ആർ.ആർ.എസ്.പി (RRSP)-ൽ നിന്നും പിൻവലിച്ച തുക തിരികെ അടച്ചുതുടങ്ങാനുള്ള സാവകാശം 2028 വരെ നീട്ടി. ഇത് പുതിയ വീട്ടുടമസ്ഥർക്ക് വലിയ സാമ്പത്തിക ആശ്വാസം നൽകും.
- സീസണൽ തൊഴിലാളികൾക്ക് ഇൻഷുറൻസ് നീട്ടി
പ്രത്യേക മേഖലകളിലെ സീസണൽ തൊഴിലാളികൾക്കുള്ള എംപ്ലോയ്മെന്റ് ഇൻഷുറൻസ് (EI) ആനുകൂല്യം 2028 വരെ നീട്ടി നൽകാൻ തീരുമാനിച്ചു. അഞ്ച് ആഴ്ചത്തെ അധിക ആനുകൂല്യം ഇവർക്ക് ലഭിക്കും.
- തദ്ദേശീയർക്കായി ആരോഗ്യ ഇൻഷുറൻസ്
ഫസ്റ്റ് നേഷൻസ്, ഇന്യൂട്ട് വിഭാഗങ്ങൾക്കായി 794 മില്യൺ ഡോളർ ആരോഗ്യ മേഖലയിൽ വകയിരുത്തി. മരുന്നുകൾക്കും യാത്രകൾക്കും മാനസികാരോഗ്യ ചികിത്സയ്ക്കും ഈ ഫണ്ട് ഉപയോഗിക്കും.
പണപ്പെരുപ്പം നിയന്ത്രണവിധേയമാണെങ്കിലും പലചരക്ക് സാധനങ്ങൾക്കും ഇന്ധനത്തിനും വില വർദ്ധിക്കുന്നത് സാധാരണക്കാരെ ബാധിക്കുന്നുണ്ട്. എന്നിരുന്നാലും, നൈപുണ്യ വികസനത്തിലും നികുതിയിളവുകളിലും ഊന്നിയുള്ള ഈ ബജറ്റ് ദീർഘകാലാടിസ്ഥാനത്തിൽ ഗുണകരമാകുമെന്നാണ് വിലയിരുത്തൽ.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
7 takeaways for Canadians from PM Carney’s spring economic update
