മടിക്കേരി: കുടകിലെ മടിക്കേരിയിൽ ട്രെക്കിങ്ങിനിടെ കാണാതായ കോഴിക്കോട് നാദാപുരം സ്വദേശിനി ജി.എസ്. ശരണ്യയെ വനത്തിനുള്ളിൽ കണ്ടെത്തി. മൂന്ന് ദിവസത്തോളം നീണ്ട അനിശ്ചിതത്വങ്ങൾക്കൊടുവിൽ ഞായറാഴ്ച വൈകിട്ടോടെയാണ് രക്ഷാസംഘം ശരണ്യയെ പുറത്തെത്തിച്ചത്. മരത്തിന് താഴെ വിശ്രമിക്കുകയായിരുന്നുവെന്നും താൻ തികച്ചും സുരക്ഷിതയാണെന്നും ശരണ്യ പ്രതികരിച്ചു. കൊച്ചിയിൽ ഐടി ഉദ്യോഗസ്ഥയായ ശരണ്യ തടിയൻഡമോൾ മലനിരകൾ കയറാനാണ് കുടകിലെത്തിയത്.
വ്യാഴാഴ്ച ഒരു സംഘത്തോടൊപ്പം വനത്തിലേക്ക് പോയെങ്കിലും വഴിമധ്യേ ഒറ്റപ്പെട്ടുപോയ ശരണ്യ, താൻ വഴിതെറ്റിയെന്ന സന്ദേശം ഹോംസ്റ്റേ അധികൃതർക്ക് അയച്ചിരുന്നു. ഫോൺ സ്വിച്ച് ഓഫ് ആയതിനെത്തുടർന്ന് കർണാടക വനംവകുപ്പും പോലീസും നക്സൽ വിരുദ്ധ സേനയും ചേർന്ന് വലിയ രീതിയിലുള്ള തിരച്ചിലാണ് നടത്തിയത്. ഇതിലും വലിയ ട്രെക്കിങ്ങുകൾ താൻ മുൻപ് നടത്തിയിട്ടുണ്ടെന്നും എല്ലാം ഓക്കെയാണെന്നും ശരണ്യ ആത്മവിശ്വാസത്തോടെ പറഞ്ഞു. വനത്തിന് പുറത്തെത്തിയ ഉടൻ ശരണ്യ നാട്ടിലുള്ള അമ്മയുമായി ഫോണിൽ സംസാരിച്ച് തന്റെ ക്ഷേമവിവരം അറിയിച്ചു. നിലവിൽ ശരണ്യ ആരോഗ്യവതിയായി ഇരിക്കുന്നു.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Saranya, who went missing while trekking in Kodagu, found
