2026 ഐപിഎൽ സീസണിലെ ആദ്യ പോരാട്ടത്തിന് ചെന്നൈ സൂപ്പർ കിംഗ്സ് ഒരുങ്ങുമ്പോൾ മലയാളി താരം സഞ്ജു സാംസണിന്റെ പുതിയ വീഡിയോ സോഷ്യൽ മീഡിയയിൽ തരംഗമാകുന്നു. രാജസ്ഥാൻ റോയൽസിനെതിരെ തിങ്കളാഴ്ച നടക്കാനിരിക്കുന്ന ആദ്യ മത്സരത്തിന് മുന്നോടിയായി സിഎസ്കെ പുറത്തിറക്കിയ വീഡിയോയിലാണ് സഞ്ജു ആരാധകരോട് മലയാളത്തിൽ സംസാരിക്കുന്നത്. രാജസ്ഥാൻ റോയൽസ് വിട്ട് ചെന്നൈയുടെ മഞ്ഞക്കുപ്പായത്തിൽ സഞ്ജു കളിക്കാനിറങ്ങുന്നതിന്റെ ആവേശത്തിലാണ് ക്രിക്കറ്റ് പ്രേമികൾ.
“എല്ലാവരും പറഞ്ഞതുപോലെ മഞ്ഞ അണിയുക, ചെന്നൈ സൂപ്പർ കിംഗ്സിന് വിസിലടിക്കുക” എന്ന് വീഡിയോയിൽ സഞ്ജു ആഹ്വാനം ചെയ്യുന്നു. ‘ഇനി നമ്മൾ മഞ്ഞ’ എന്ന ക്യാപ്ഷനോടെ ചെന്നൈ ടീം പങ്കുവെച്ച വീഡിയോ നിമിഷങ്ങൾക്കകം വൈറലായി. ഗുവാഹത്തിയിൽ തിങ്കളാഴ്ച വൈകിട്ട് ഏഴ് മണിക്കാണ് രാജസ്ഥാനും ചെന്നൈയും തമ്മിലുള്ള ആവേശപ്പോരാട്ടം നടക്കുന്നത്. മലയാളികളുടെ പ്രിയ താരം ചെന്നൈ നിരയിൽ വിക്കറ്റ് കീപ്പറായി അരങ്ങേറുന്നതിനെ ഏറെ പ്രതീക്ഷയോടെയാണ് ആരാധകർ കാണുന്നത്.
പരിശീലനത്തിനിടെ പരിക്കേറ്റ എം.എസ്. ധോണിക്ക് സീസണിലെ ആദ്യ രണ്ടാഴ്ചകൾ നഷ്ടമാകുമെന്ന് ടീം മാനേജ്മെന്റ് അറിയിച്ചിട്ടുണ്ട്. ധോണിയുടെ അഭാവത്തിൽ സഞ്ജു സാംസൺ തന്നെയാകും ചെന്നൈയുടെ വിക്കറ്റ് കീപ്പർ വേഷം അണിയുക. ഇതിന് പുറമെ ദക്ഷിണാഫ്രിക്കൻ താരം ഡെവാൾഡ് ബ്രെവിസിനും പരിക്കേറ്റത് ചെന്നൈ ക്യാമ്പിന് തിരിച്ചടിയായിട്ടുണ്ട്. ബ്രെവിസിനും രാജസ്ഥാനെതിരായ ഉദ്ഘാടന മത്സരം നഷ്ടമാകുമെന്ന് ടീം സ്ഥിരീകരിച്ചു.
കഴിഞ്ഞ സീസണുകളിൽ രാജസ്ഥാൻ റോയൽസിന്റെ നായകനായിരുന്ന സഞ്ജു, ഇത്തവണ ചെന്നൈ സൂപ്പർ കിംഗ്സിലേക്ക് എത്തിയത് വലിയ വാർത്തയായിരുന്നു. സിഎസ്കെയുടെ തനതായ ‘വിസിൽ പോട്’ ശൈലിയിൽ ആരാധകരുടെ പിന്തുണ തേടിയ താരം, കേരളത്തിലെ ആരാധകരോട് ടീമിനൊപ്പം നിൽക്കാൻ അഭ്യർത്ഥിച്ചു. ധോണിയുടെ അഭാവത്തിലും സഞ്ജുവിന്റെ സാന്നിധ്യത്തിലും ചെന്നൈ ആദ്യ മത്സരത്തിൽ എന്ത് പ്രകടനം കാഴ്ചവെക്കുമെന്ന് അറിയാനുള്ള ആകാംക്ഷയിലാണ് കായിക ലോകം.
‘Now we are yellow’; Sanju Samson tells Malayali fans to whistle; Social media takes over the video
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
