കാനഡ ആസ്ഥാനമായുള്ള വെജിറ്റേറിയൻ ഫാസ്റ്റ് ഫുഡ് ശൃംഗലയും ഭക്ഷ്യ സാങ്കേതിക സ്ഥാപനവുമായ ‘Odd Burger’, കാനഡയും അമേരിക്കയും തമ്മിലുള്ള വ്യാപാര ബന്ധത്തിൽ ഉയർന്നുവരുന്ന പ്രതിസന്ധികളും താരിഫ് വർദ്ധനവിനേം തുടർന്ന് U.S-ലേക്കുള്ള വിപുലീകരണ പദ്ധതി താൽക്കാലികമായി നിർത്തിവെക്കുമെന്ന് പ്രഖ്യാപിച്ചു. നേരത്തെ, അമേരിക്കൻ വിപണിയിലേക്കായി 2 ദശലക്ഷം ഡോളർ നിക്ഷേപിക്കാൻ കമ്പനി പദ്ധതിയിട്ടിരുന്നു. ഇപ്പോൾ, ഈ മൂലധനം കാനഡയിലെ നിർമ്മാണ, ഫ്രാഞ്ചൈസി പ്രവർത്തനങ്ങൾ ശക്തിപ്പെടുത്തുന്നതിനായി വിനിയോഗിക്കുമെന്ന് കമ്പനി തിങ്കളാഴ്ച അറിയിച്ചു.
കാനഡയിലെ ഉൽപന്നങ്ങളെ പ്രോത്സാഹിപ്പിക്കുകയും പ്രാദേശിക ഭക്ഷ്യവ്യവസായങ്ങൾ ശക്തിപ്പെടുത്തുകയും ചെയ്യുന്നതിന് ഒഡ് ബർഗർ ശ്രദ്ധ കേന്ദ്രീകരിക്കുന്നു. പ്ലാന്റ്-ബേസ്ഡ് പ്രോട്ടീൻ ഉൽപന്നങ്ങളും Dairy Alternatives-ഉം നിർമ്മിക്കുന്ന ഈ കമ്പനി, കാനഡയിലെ പല സ്ഥാപനങ്ങളിലും, വ്യാപാരികൾക്കും ഉൽപന്നങ്ങൾ വിതരണം ചെയ്യുന്നു. കാനഡയിലെ പല പ്രാവിശ്യകളിലുള്ള ഉപഭോക്താക്കൾ, അമേരിക്കൻ ഉൽപന്നങ്ങളും ബഹിഷ്കരിച്ച് പ്രാദേശിക വാണിജ്യ സംരംഭങ്ങളെ പിന്തുണയ്ക്കാനുള്ള സമീപനം സ്വീകരിക്കുന്നതും ഈ തീരുമാനത്തിന് പിന്തുണ നൽകുന്ന ഘടകങ്ങളിലൊന്നാണ്.
യുഎസ് ഇറക്കുമതിയിലെ താരിഫ് വർദ്ധനയും അതിനെതിരായ പ്രത്യുപായ നടപടികളും കാനഡയിലെ നിരവധി കമ്പനികൾക്ക് പ്രതിസന്ധിയുണ്ടാക്കിയിട്ടുണ്ട്. ബ്രൗൺ-ഫോർമാൻ പോലുള്ള മദ്യനിർമ്മാതാക്കളാണ് ഇതിന് ഏറ്റവും കൂടുതൽ ബാധിക്കപ്പെട്ടത്. യുഎസ് വിപണിയിലേക്കുള്ള വിപുലീകരണം താൽക്കാലികമായി നിർത്തലാക്കിയതിലൂടെ പരിസ്ഥിതി സൗഹാർദ്ദമായ ഭക്ഷണോത്പന്നങ്ങളിൽ കാനഡയിലെ വിപണി ശക്തിപ്പെടുത്തുകയാണ് ഒഡ് ബർഗറിന്റെ ലക്ഷ്യം.
