വാൻകൂവർ: സെന്റ് തോമസ് മാർത്തോമ്മാ ഇടവകാംഗമായ സാംജി ജോൺ (66) മാർച്ച് 16ന് പുലർച്ചെ അന്തരിച്ചു. നോർത്ത് അമേരിക്ക – യൂറോപ്പ് മാർത്തോമ്മാ ഭദ്രാസനത്തിന്റെ സണ്ടേസ്കൂൾ സെക്രട്ടറിയായി അടുത്തിടെ തിരഞ്ഞെടുക്കപ്പെട്ട അദ്ദേഹം, സഭയുടെയും സണ്ടേസ്കൂൾ മിനിസ്ട്രിയുടെയും പ്രവർത്തനങ്ങളിൽ വലിയ സംഭാവനകൾ നൽകിയ വ്യക്തിത്വമായിരുന്നു.
ദീർഘകാലമായി കാനഡയിലെ സഭാപ്രവർത്തനങ്ങളിൽ നേതൃപരമായ പങ്ക് വഹിച്ചിരുന്ന സാംജി ജോൺ, 2023 മുതൽ 2026 വരെയുള്ള കാലയളവിൽ വെസ്റ്റേൺ കാനഡ സെന്റർ സണ്ടേസ്കൂൾ സെക്രട്ടറിയായും വാൻകൂവർ സെന്റ് തോമസ് മാർത്തോമ്മാ സണ്ടേസ്കൂൾ സൂപ്രണ്ടായും സേവനമനുഷ്ഠിച്ചിട്ടുണ്ട്. തിരക്കേറിയ ഔദ്യോഗിക ജീവിതത്തിനിടയിലും സണ്ടേസ്കൂളിലെ 11, 12 ക്ലാസ്സുകളിലെ വിദ്യാർഥികളെ പഠിപ്പിക്കുന്നതിൽ അദ്ദേഹം പ്രത്യേക താൽപ്പര്യം കാണിച്ചിരുന്നു.
ഷെർലി സാംജിയാണ് ഭാര്യ. മക്കൾ: ശിൽപ സാംജി (വാൻകൂവർ), ഷാരോൺ സാംജി (സിഡ്നി). സംസ്കാര ശുശ്രൂഷകളെ സംബന്ധിച്ച കൂടുതൽ വിവരങ്ങൾ പിന്നീട് അറിയിക്കുമെന്ന് കുടുംബാംഗങ്ങൾ അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Samji John, a 66-year-old member of the Mar Thoma Church, passed away in Vancouver, Canada
