സെന്റ് പാട്രിക് ദിനാഘോഷങ്ങളുടെ ഭാഗമായി ലോകപ്രശസ്തമായ നയാഗ്ര വെള്ളച്ചാട്ടം മാർച്ച് 17-ന് ഹരിതാഭമാകും. ടൂറിസം അയർലൻഡിന്റെ ആഗോള ‘ഗ്രീനിംഗ്’ സംരംഭത്തിന്റെ ഭാഗമായി കനേഡിയൻ ഹോഴ്സ് ഷൂ ഫോൾസും അമേരിക്കൻ ഫോൾസും പ്രത്യേക ദീപാലങ്കാരത്തിലൂടെ പച്ചനിറത്തിൽ പ്രകാശിക്കും. അന്ന് രാത്രി 8 മണി മുതൽ ഓരോ മണിക്കൂറിലും 15 മിനിറ്റ് വീതമാണ് ഈ ദൃശ്യവിരുന്ന് ഒരുക്കുന്നത്.
ഐറിഷ് സംസ്കാരവും ദേശീയ ദിനവും ആദരിക്കുന്നതിനായി ലോകത്തിലെ പ്രമുഖ ലാൻഡ്മാർക്കുകൾ പച്ചനിറമണിയുന്ന പതിവിന്റെ ഭാഗമായാണ് നയാഗ്രയും ഈ ആഘോഷത്തിൽ പങ്കുചേരുന്നത്. 1925 മുതൽ വെള്ളച്ചാട്ടത്തിലെ ദീപാലങ്കാരങ്ങൾക്ക് നേതൃത്വം നൽകുന്ന നയാഗ്ര ഫോൾസ് ഇല്യൂമിനേഷൻ ബോർഡാണ് ഈ പരിപാടിയുടെ സംഘാടകർ. ഒന്റാറിയോയിലേയും ന്യൂയോർക്കിലെയും നഗരസഭകളും പവർ അതോറിറ്റികളും സംയുക്തമായാണ് ഈ ബോർഡ് നിയന്ത്രിക്കുന്നത്. ലോകത്തിന്റെ വിവിധ ഭാഗങ്ങളിൽ നിന്നുള്ള വിനോദസഞ്ചാരികളെ ആകർഷിക്കുന്ന ഈ ദൃശ്യവിരുന്ന്, രാജ്യാന്തര തലത്തിലുള്ള ഐക്യത്തിന്റെ കൂടി പ്രതീകമായി മാറുകയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Niagara Falls falls will glow green on St. Patrick’s Day
