മോങ്ക്ടൺ : ന്യൂ ബ്രൺസ്വിക്കിലെ സെന്റ് സ്റ്റീഫനിൽ ശനിയാഴ്ച പുലർച്ചെ നടത്തിയ വാഹനപരിശോധനയ്ക്കിടെ മയക്കുമരുന്ന് പിടികൂടിയ സംഭവത്തിൽ 43 വയസ്സുകാരനെതിരെ കേസെടുത്തതായി ആർ.സി.എം.പി അറിയിച്ചു. പുലർച്ചെ 1:20 ഓടെ റൂട്ട് 3-ൽ സംശയാസ്പദമായ സാഹചര്യത്തിൽ കണ്ട വാഹനം തടഞ്ഞുനിർത്തി പോലീസ് പരിശോധിക്കുകയായിരുന്നു. പരിശോധനയിൽ ഫെന്റാനിൽ, മെത്താംഫെറ്റാമൈൻ എന്ന് സംശയിക്കുന്ന പദാർത്ഥങ്ങൾക്കൊപ്പം രണ്ട് ഡിജിറ്റൽ ത്രാസുകൾ, മൊബൈൽ ഫോണുകൾ, പാക്കിംഗ് സാമഗ്രികൾ എന്നിവ കണ്ടെടുത്തതായി പോലീസ് വാർത്താക്കുറിപ്പിൽ വ്യക്തമാക്കി.
വാഹനം ഓടിച്ചിരുന്ന മൈക്കൽ ഫോസ്റ്ററിനെയും കൂടെയുണ്ടായിരുന്ന 36 വയസ്സുകാരിയെയും പോലീസ് അറസ്റ്റ് ചെയ്തു. ഇവരിൽ സ്ത്രീയെ പിന്നീട് വിട്ടയച്ചു. വിൽപന ലക്ഷ്യമിട്ട് നിരോധിത മയക്കുമരുന്ന് കൈവശം വെച്ചതിന് രണ്ട് കുറ്റങ്ങളാണ് മൈക്കൽ ഫോസ്റ്ററിന് മേൽ ചുമത്തിയിരിക്കുന്നത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. ഫോസ്റ്റർ ചൊവ്വാഴ്ച സെന്റ് ജോൺ പ്രൊവിൻഷ്യൽ കോടതിയിൽ ഹാജരാകുമെന്ന് പോലീസ് അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Drugs seized during vehicle check in New Brunswick; St. Stephen native arrested
