ഒട്ടാവ: കാനഡയിലെ വീട് വാടക നിരക്കുകളിൽ തുടർച്ചയായ 16-ാം മാസവും കുറവ് രേഖപ്പെടുത്തി. ജനുവരിയിലെ കണക്കുകൾ പ്രകാരം കാനഡയിലെ ശരാശരി വാടക 2,057 ഡോളറായി കുറഞ്ഞു. ഇത് കഴിഞ്ഞ 31 മാസത്തിനിടയിലെ ഏറ്റവും കുറഞ്ഞ നിരക്കാണെന്ന് ‘Rentals.ca’, ‘Urbanation’ എന്നിവരുടെ പുതിയ റിപ്പോർട്ട് വ്യക്തമാക്കുന്നു.
കൂടുതൽ വീടുകൾ ലഭ്യമായതും ജനസംഖ്യാ വളർച്ചയിലെ കുറവുമാണ് വാടക താഴാൻ കാരണമായത്. കഴിഞ്ഞ വർഷത്തെ അപേക്ഷിച്ച് മൊത്തം വാടകയിൽ രണ്ട് ശതമാനത്തിന്റെ കുറവുണ്ടായി. വീടുകളുടെ വലിപ്പത്തിൽ വന്ന മാറ്റവും ഈ വിലക്കുറവിന് കാരണമായിട്ടുണ്ട്. ജനുവരിയിൽ ലഭ്യമായ വീടുകളുടെ ശരാശരി വലിപ്പം മുൻവർഷത്തെക്കാൾ കുറഞ്ഞ് 857 ചതുരശ്ര അടിയായി. അപ്പാർട്ട്മെന്റുകൾക്ക് വാടക കുറഞ്ഞപ്പോൾ, മൂന്ന് ബെഡ്റൂമുകളുള്ള വലിയ വീടുകൾക്ക് മാത്രം നേരിയ വിലവർധനവ് (1.1%) ഉണ്ടായിട്ടുണ്ട്.
പ്രധാന നഗരങ്ങളിലെ അവസ്ഥ നോക്കുകയാണെങ്കിൽ, വാൻകൂവറിൽ വാടക 9.2 ശതമാനം കുറഞ്ഞ് 2,630 ഡോളറായി. ടൊറന്റോയിൽ 4.6 ശതമാനം കുറഞ്ഞ് 2,495 ഡോളറിലെത്തി. ബി.സി (4.7%), ആൽബർട്ട (4.3%), ഒന്റാറിയോ (3.3%) എന്നീ പ്രവിശ്യകളിലും വാടക നിരക്കുകൾ കാര്യമായി കുറഞ്ഞു. ആറു വർഷത്തിനിടയിൽ ആദ്യമായി ശരാശരി വാടക വരുമാനത്തിന്റെ 30 ശതമാനത്തിന് താഴെയെത്തി എന്നതും ശ്രദ്ധേയമാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Here’s what the average asking rent in Canada was in January
