ചെന്നൈ: പ്രശസ്ത തെന്നിന്ത്യൻ നടി ഹൻസിക മോട്വാണിയും ബിസിനസുകാരൻ സൊഹൈൽ കത്യൂര്യയും തമ്മിലുള്ള ദാമ്പത്യ ജീവിതത്തിൽ വിള്ളലുണ്ടായതായി സൂചന നൽകി നടി ഹൻസിക മോട്വാണി. ഇൻസ്റ്റഗ്രാം ഉൾപ്പെടെയുള്ള തന്റെ സോഷ്യൽ മീഡിയ അക്കൗണ്ടുകളിൽ നിന്ന് വിവാഹ ചിത്രങ്ങൾ നടി നീക്കം ചെയ്തതോടെയാണ് ഇരുവരും തമ്മിൽ വേർപിരിയുകയാണെന്ന വാർത്തകൾ പുറത്തുവന്നത്. 2022 ഡിസംബർ നാലിന് ജയ്പൂരിൽ വെച്ച് പ്രൗഢഗംഭീരമായ ചടങ്ങുകളോടെയായിരുന്നു ഇരുവരുടെയും വിവാഹം നടന്നത്.
വിവാഹശേഷം ഭർത്താവിന്റെ വീട്ടുകാരുമായി ഒത്തുപോകാൻ കഴിയാത്തതാണ് പ്രശ്നങ്ങൾക്ക് കാരണമെന്നാണ് സിനിമാ മേഖലയിലുള്ളവർക്കിടയിലെ സംസാരം. വിവാഹശേഷം മുംബൈയിൽ ഭർത്താവിനും വീട്ടുകാർക്കുമൊപ്പമായിരുന്നു ഹൻസിക താമസിച്ചിരുന്നത്. പിന്നീട് അഭിപ്രായവ്യത്യാസങ്ങൾ ഉണ്ടായതിനെ തുടർന്ന് ഇതേ കെട്ടിടത്തിൽ തന്നെ സൊഹൈലുമായി മാറി താമസിച്ചിട്ടും പ്രശ്നങ്ങൾ പരിഹരിക്കപ്പെട്ടില്ലെന്നാണ് ലഭിക്കുന്ന വിവരങ്ങൾ. സൊഹൈലിന്റെ രണ്ടാം വിവാഹമായിരുന്നു ഇത്. സൊഹൈലിന്റെ ആദ്യ ഭാര്യയും ഹൻസികയുടെ സുഹൃത്തുമായിരുന്ന മുസ്കാൻ ജെയിംസ്, ഹൻസികയ്ക്കും കുടുംബത്തിനുമെതിരെ ഗാർഹിക പീഡന പരാതിയുമായി നേരത്തെ രംഗത്തെത്തിയിരുന്നു.
ബാലതാരമായി കരിയർ ആരംഭിച്ച് തെന്നിന്ത്യൻ സിനിമയിലെ സൂപ്പർതാരമായി വളർന്ന നടിയാണ് ഹൻസിക. തമിഴ്, തെലുങ്ക് ഭാഷകളിൽ മുൻനിര നായകന്മാരുടെ നായികയായി തിളങ്ങിയ താരം ബിസിനസ് പങ്കാളി കൂടിയായ സൊഹൈലിനെയാണ് വിവാഹം കഴിച്ചത്. എന്നാൽ ദാമ്പത്യ പ്രശ്നങ്ങളെക്കുറിച്ചുള്ള അഭ്യൂഹങ്ങളിൽ ഹൻസികയോ കുടുംബമോ ഇതുവരെ ഔദ്യോഗികമായി പ്രതികരിച്ചിട്ടില്ല. നടിയുടെ ഭാഗത്തുനിന്നുള്ള വിശദീകരണത്തിനായി കാത്തിരിക്കുകയാണ് ആരാധക ലോകം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Is there a rift in the marriage? Hansika Motwani deletes her wedding photos; What is the truth behind the news that the actress is getting divorced?
