ടൊറന്റോ ; ടൊറന്റോയിൽ ഇപ്പോൾ ശരിക്കും ഒരു ‘ഡീപ് ഫ്രീസ്’ അവസ്ഥയാണ്. കഴിഞ്ഞ രണ്ടാഴ്ചയിലേറെയായി, കൃത്യമായി പറഞ്ഞാൽ 18 ദിവസമായി ടൊറന്റോയിൽ മഞ്ഞ് ഒന്ന് ഉരുകാൻ പോലുമുള്ള താപനില എത്തുന്നില്ല. പത്തുവർഷത്തിനിടയിലെ ഏറ്റവും ദൈർഘ്യമേറിയ ‘കോൾഡ് സ്നാപ്പ്’ എന്നാണ് വിരമിച്ച എൻവയോൺമെന്റ് കാനഡ ക്ലൈമറ്റോളജിസ്റ്റ് ഡേവിഡ് ഫിലിപ്സ് ഇതിനെ വിശേഷിപ്പിച്ചത്.
രാവിലെയും ഉച്ചയ്ക്കും രാത്രിയുമെല്ലാം താപനില പൂജ്യം ഡിഗ്രിക്ക് താഴെ തന്നെ നിൽക്കുകയാണ്. ഇടയ്ക്ക് -20 ഡിഗ്രി വരെ താപനില താഴ്ന്നപ്പോൾ, കാറ്റും കൂടി വന്നതോടെ (Wind chill) അത് -30 ഡിഗ്രിക്ക് തുല്യമായ കൊടും തണുപ്പാണ് നഗരത്തിന് സമ്മാനിച്ചത്. ജനുവരിയുടെ തുടക്കത്തിൽ നമ്മളെല്ലാവരും വിചാരിച്ചത് ഇത്തവണ വസന്തകാലം നേരത്തെ എത്തുമെന്നാണ്. ജനുവരി 5 മുതൽ 14 വരെ ഏകദേശം 15.2 ഡിഗ്രി സെൽഷ്യസ് വരെയൊക്കെ താപനില ഉയർന്നിരുന്നു.
കട്ടിക്കൂടിയ ജാക്കറ്റുകളൊക്കെ അഴിച്ചുവെച്ച് സ്പ്രിംഗിനെ വരവേൽക്കാൻ റെഡിയായി നിന്ന ടൊറന്റോ നിവാസികളെ ഞെട്ടിച്ചുകൊണ്ടാണ് കാലാവസ്ഥ പെട്ടെന്ന് മാറിമറിഞ്ഞത്. ആ ‘ഹീറ്റ് വേവ്’ കഴിഞ്ഞ് തുടങ്ങിയ തണുപ്പാണ് ഇപ്പോഴും വിട്ടുമാറാതെ നിൽക്കുന്നത്. ശരിക്കും പറഞ്ഞാൽ വസന്തത്തിലേക്കുള്ള ഓട്ടം ഇവിടെ തൽക്കാലം നിന്നിരിക്കുകയാണ്.
ഇനി എപ്പോഴാണ് ഒന്ന് ചൂടാവുക എന്ന് നോക്കിയാൽ, തൽക്കാലം വലിയ പ്രതീക്ഷയൊന്നും വേണ്ടെന്നാണ് കാലാവസ്ഥാ നിരീക്ഷകർ പറയുന്നത്. ഈ ആഴ്ച അവസാനം താപനിലയിൽ ചെറിയൊരു മാറ്റം വന്നേക്കാമെങ്കിലും ശനിയാഴ്ചയോടെ വീണ്ടും -10 ഡിഗ്രിയിലേക്ക് കാര്യങ്ങൾ എത്തും. ഇത് സാധാരണയേക്കാൾ 8 ഡിഗ്രി കുറവാണ്.
were-not-rushing-into-spring-toronto-sees-longest-cold-snap-in-more-than-a-decade-climatologist-says
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
