ഒട്ടാവ: 2026-ലെ ആദ്യ പലിശനിരക്ക് പ്രഖ്യാപനത്തിൽ അടിസ്ഥാന പലിശനിരക്ക് 2.25 ശതമാനമായി തന്നെ നിലനിർത്തി ബാങ്ക് ഓഫ് കാനഡ. രാജ്യത്തെ പണപ്പെരുപ്പം സെൻട്രൽ ബാങ്കിന്റെ ലക്ഷ്യമായ രണ്ട് ശതമാനത്തിലേക്ക് എത്തുന്നതിന്റെ സൂചനകൾ കണ്ടതാണ് നിരക്കിൽ മാറ്റം വരുത്തേണ്ടതില്ലെന്ന തീരുമാനത്തിലേക്ക് ബാങ്കിനെ നയിച്ചത്.
ഒക്ടോബറിൽ രാജ്യത്തിന്റെ സമ്പദ്വ്യവസ്ഥ 0.3 ശതമാനം ചുരുങ്ങിയതും തൊഴിലില്ലായ്മ നിരക്ക് 6.8 ശതമാനമായി ഉയർന്നതും ആശങ്കയുയർത്തിയിരുന്നു എങ്കിലും വിപണിയിലെ പൊതുവായ സ്ഥിരത മുൻനിർത്തി ബാങ്ക് നിലവിലെ നിലപാട് തുടരുകയായിരുന്നു. കഴിഞ്ഞ വർഷം സെപ്റ്റംബറിലും ഒക്ടോബറിലും പലിശനിരക്കിൽ കുറവ് വരുത്തിയ ബാങ്ക്, ഇത്തവണ ജനുവരി 28-ന് നടന്ന യോഗത്തിൽ നിരക്ക് മാറ്റമില്ലാതെ തുടരാൻ നിശ്ചയിച്ചു.
ഈ വർഷം ഇനി മാർച്ച് 18, ഏപ്രിൽ 29, ജൂൺ 10, ജൂലൈ 15, സെപ്റ്റംബർ 2, ഒക്ടോബർ 28, ഡിസംബർ 9 എന്നീ തീയതികളിലാണ് ബാങ്ക് ഓഫ് കാനഡ പലിശനിരക്ക് സംബന്ധിച്ച അടുത്ത പ്രഖ്യാപനങ്ങൾ നടത്തുക.
കാനഡയിലെ ഏറ്റവും പുതിയ വാർത്തകൾക്കായി:https://chat.whatsapp.com/Ghtm5bIjsVN8SItyDlaj3Q?mode=wwt
Bank of Canada Holds Key Interest Rate Steady at 2.25%
