ബ്രിട്ടീഷ് കൊളംബിയ: ബ്രിട്ടീഷ് കൊളംബിയയിലെ ഹൈഡ ഗ്വായ് (Haida Gwaii) ദ്വീപസമൂഹത്തിന് സമീപം ഭൂചലനം. ബുധനാഴ്ച വൈകുന്നേരം പ്രാദേശിക സമയം നാല് മണിയോടെയാണ് 4.4 തീവ്രത രേഖപ്പെടുത്തിയ ഭൂചലനം ഉണ്ടായതെന്ന് എർത്ത്ക്വേക്ക് കാനഡ അറിയിച്ചു. കടലിനടിയിൽ 20 കിലോമീറ്റർ ആഴത്തിലാണ് പ്രഭവകേന്ദ്രം. നിലവിൽ സുനാമി മുന്നറിയിപ്പുകളൊന്നും നൽകിയിട്ടില്ല.
ഭൂകമ്പത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ദുരന്തനിവാരണ വിഭാഗം അറിയിച്ചു. 3.5 മുതൽ 5.4 വരെയുള്ള ഭൂചലനങ്ങൾ സാധാരണയായി അനുഭവപ്പെടാറുണ്ടെങ്കിലും അവ വലിയ നാശനഷ്ടങ്ങൾക്ക് കാരണമാകാറില്ലെന്നും നിലവിൽ ജനങ്ങൾ പരിഭ്രാന്തരാകേണ്ട സാഹചര്യമില്ലെന്നും അധികൃതർ വ്യക്തമാക്കി.
ആശങ്കയായി ക്വീൻ ഷാർലറ്റ് പ്ലേറ്റ്
ഭൂചലനം നടന്ന പ്രദേശം ക്വീൻ ഷാർലറ്റ് പ്ലേറ്റ് ബൗണ്ടറിക്ക് അടുത്താണ്. ശാസ്ത്രജ്ഞരുടെ നിരീക്ഷണപ്രകാരം ഭാവിയിൽ വലിയ തോതിലുള്ള ഭൂകമ്പങ്ങൾക്കും സുനാമിക്കും സാധ്യതയുള്ള മേഖലയാണിത്. കാനഡയുടെ ചരിത്രത്തിലെ ഏറ്റവും വലിയ രണ്ട് ഭൂകമ്പങ്ങൾ (1949-ൽ 8.1 തീവ്രതയും, 2012-ൽ 7.8 തീവ്രതയും) നടന്നതും ഈ പ്ലേറ്റ് ബൗണ്ടറിയിലാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Earthquake hits near Haida Gwaii, B.C., no damage expected
