ന്യൂയോർക്ക്: പ്രമുഖ സോഷ്യൽ മീഡിയ പ്ലാറ്റ്ഫോമായ ‘X’ വെള്ളിയാഴ്ച മണിക്കൂറുകളോളം പ്രവർത്തനരഹിതമായതായി റിപ്പോർട്ട്. സാങ്കേതിക തകരാറിനെത്തുടർന്ന് ഇന്ത്യയുൾപ്പെടെയുള്ള വിവിധ രാജ്യങ്ങളിൽ പതിനായിരക്കണക്കിന് ഉപയോക്താക്കാണ് സേവനം തടസ്സപ്പെട്ടത്. വെള്ളിയാഴ്ച രാവിലെ പത്ത് മണിയോടെയാണ് പ്ലാറ്റ്ഫോമിൽ പ്രശ്നങ്ങൾ കണ്ടുതുടങ്ങിയത്.
തകരാറുകൾ നിരീക്ഷിക്കുന്ന ‘ഡൗൺ ഡിറ്റക്ടർ’ (DownDetector) എന്ന വെബ്സൈറ്റിന്റെ കണക്കുകൾ പ്രകാരം, അന്താരാഷ്ട്രതലത്തിൽ 66,900-ലധികം ആളുകൾ ഔട്ടേജ് റിപ്പോർട്ട് ചെയ്തിട്ടുണ്ട്. കാനഡയിൽ മാത്രം ഏകദേശം 7,500-ലധികം പരാതികൾ രേഖപ്പെടുത്തി. രാവിലെ 11 മണിയോടെയാണ് തടസ്സങ്ങൾ അതിന്റെ പൂർണ്ണതോതിലായത്. ഈ സമയത്ത് ആപ്പും വെബ്സൈറ്റും ലോഗിൻ ചെയ്യാനോ പുതിയ പോസ്റ്റുകൾ കാണാനോ ഉപയോക്താക്കൾക്ക് സാധിച്ചിരുന്നില്ല.
രാവിലെ 10 മണിക്ക് ആരംഭിച്ച സാങ്കേതിക തകരാർ 11:30 ആയപ്പോഴേക്കും രൂക്ഷമായി. എന്നാൽ ഉച്ചയ്ക്ക് 12:30-ഓടെ റിപ്പോർട്ടുകളുടെ എണ്ണം ഗണ്യമായി കുറഞ്ഞത് സേവനങ്ങൾ പുനഃസ്ഥാപിക്കപ്പെടുന്നതിന്റെ സൂചനയായി കണക്കാക്കപ്പെടുന്നു. അന്താരാഷ്ട്രതലത്തിൽ റിപ്പോർട്ടുകൾ 8,400 ആയും കാനഡയിൽ 680 ആയും കുറഞ്ഞതായാണ് ഏറ്റവും പുതിയ കണക്കുകൾ വ്യക്തമാക്കുന്നത്.
എലോൺ മസ്ക് ട്വിറ്റർ ഏറ്റെടുത്ത് ‘X’ എന്ന് പുനർനാമകരണം ചെയ്തതിന് ശേഷം പലപ്പോഴായി ഇത്തരം സാങ്കേതിക തടസ്സങ്ങൾ റിപ്പോർട്ട് ചെയ്യപ്പെടുന്നുണ്ട്. വെള്ളിയാഴ്ചയുണ്ടായ തകരാറിന്റെ കൃത്യമായ കാരണം വ്യക്തമാക്കാൻ അധികൃതർ ഇതുവരെ തയ്യാറായിട്ടില്ല. നിലവിൽ ഭൂരിഭാഗം ഉപയോക്താക്കൾക്കും സേവനം ലഭ്യമായിത്തുടങ്ങിയിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Technical glitch; 'X' strikes worldwide; no explanation given
