വാൻകൂവർ: കാനഡയിലെ സറേയിൽ താമസിക്കുന്ന ഇന്ത്യൻ വംശജനായ സന്ദീപ് സിദ്ധുവിനെ തേടിയെത്തിയത് ഒരിക്കലും പ്രതീക്ഷിക്കാത്ത ഭാഗ്യം. ഒരു ലോട്ടറി ടിക്കറ്റിലൂടെ ഇദ്ദേഹം 500,000 ഡോളർ (ഏകദേശം 4.15 കോടി ഇന്ത്യൻ രൂപ) ആണ് സ്വന്തമാക്കിയത്. നാല് നമ്പറുകളും കൃത്യമായി ഒത്തുവന്ന ടിക്കറ്റിലൂടെയാണ് സന്ദീപ് സിദ്ധുവിന് ഈ ജാക്ക്പോട്ട് ലഭിച്ചത്. 3.7 ദശലക്ഷത്തിൽ ഒരാൾക്ക് മാത്രം ലഭിക്കാവുന്ന ഈ അപൂർവ്വ ഭാഗ്യമാണ് അദ്ദേഹത്തെ തേടിയെത്തിയത്.
ഒരു ഗ്യാസ് സ്റ്റേഷനിൽ വെച്ച് ടിക്കറ്റ് സ്കാൻ ചെയ്തപ്പോഴാണ് തനിക്ക് ലോട്ടറി അടിച്ച വിവരം സിദ്ധു അറിയുന്നത്. സന്തോഷം അടക്കാനാവാതെ ഉടൻ വീട്ടിലെത്തി ഭാര്യയെ വിവരമറിയിച്ചു. എന്നാൽ, സിദ്ധുവിനെ ഭാര്യ ആദ്യം വിശ്വസിച്ചില്ല. തുടർന്ന്, താൻ ടിക്കറ്റ് വാങ്ങിയ കടയിൽ വെച്ച് വീണ്ടും ടിക്കറ്റ് സ്കാൻ ചെയ്ത് കാണിച്ചപ്പോഴാണ് ഭാര്യക്ക് ഇത് സത്യമാണെന്ന് ബോധ്യമായതെന്ന് സിദ്ധു പറയുന്നു. ലഭിച്ച പണം ഉപയോഗിച്ച് ഉടൻ തന്നെ ഇന്ത്യയിലേക്ക് പറക്കാനും, ഒരുപാട് കാലമായി കാണാത്ത കുടുംബാംഗങ്ങളെയും ബന്ധുക്കളെയും സന്ദർശിക്കാനുമാണ് അദ്ദേഹം പദ്ധതിയിടുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Indian-origin person wins huge lottery amount in Canada
