ഒട്ടാവ: പലസ്തീനിലെ മാനുഷിക പ്രതിസന്ധി കാരണം ദുരിതമനുഭവിക്കുന്ന വിദേശ പൗരന്മാരെ സഹായിക്കുന്നതിനായി കാനഡയുടെ പ്രത്യേക ഇമിഗ്രേഷൻ നടപടികൾ. കാനഡയിൽ നിലവിൽ താത്കാലിക സ്റ്റാറ്റസുള്ള യോഗ്യരായ വ്യക്തികൾക്ക് ആശ്വാസവും നിയമപരമായ ഇളവുകളും നൽകാനാണ് ഈ നടപടികൾ ലക്ഷ്യമിടുന്നത്. ഈ പ്രത്യേക നടപടികൾ 2026 ജൂലൈ 31 വരെ നീട്ടിയിട്ടുണ്ട്. നിലവിൽ കാനഡയിലുള്ള യോഗ്യരായ പലസ്തീൻ പൗരന്മാർക്കും ഇത് പ്രയോജനകരമാകും. നിയമപരമായ താത്കാലിക സ്റ്റാറ്റസോടെ കാനഡയിൽ കഴിയുന്ന പലസ്തീൻ പാസ്പോർട്ട് ഉടമകൾക്ക് പദ്ധതിയുടെ ആനുകൂല്യം കിട്ടും. കനേഡിയൻ പൗരന്മാരുടെയോ സ്ഥിര താമസക്കാരുടെയോ ചില കുടുംബാംഗങ്ങൾക്കും ഈ ഇളവുകൾ ബാധകമാണ്.
പലസ്തീൻ പ്രദേശങ്ങളിലെ പ്രതിസന്ധി ബാധിച്ചവർക്ക് മാനുഷിക പരിഗണന നൽകിക്കൊണ്ടാണ് ഈ ഇമിഗ്രേഷൻ ഇളവുകൾ നടപ്പിലാക്കുന്നത്. യോഗ്യരായ അപേക്ഷകർക്ക് സ്ഥിരമായ അപേക്ഷാ പ്രക്രിയ ഉറപ്പാക്കാൻ കാനഡയിലെ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് (IRCC) ജീവനക്കാർക്ക് ഓപ്പറേഷണൽ പബ്ലിക് പോളിസി നിർദ്ദേശങ്ങൾ നൽകിയിട്ടുണ്ട്. നിലവിലുള്ള മറ്റ് മാനുഷിക പിന്തുണ നടപടികൾക്ക് പകരമാകാതെ അവയോടൊപ്പം ഈ പുതിയ നയം പ്രവർത്തിക്കുമെന്നും, പരിഷ്കരിച്ച തീയതികളും വ്യവസ്ഥകളും ഉൾപ്പെടുത്തി മുൻ നിർദ്ദേശങ്ങളെ കൂടുതൽ മെച്ചപ്പെടുത്തുകയാണെന്നും അധികൃതർ അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Canada’s Urgent Aid: Special Immigration Support for Palestine Nationals Extended Until 2026!
