താരിഫ് നിലനിൽക്കുംവരെ ജോലിക്കാരുടെ കരാർ പുതുക്കുന്നിലെന്ന് റവന്യു ഏജൻസി
കാനഡ റവന്യു ഏജൻസി (CRA) രാജ്യത്തുടനീളമുള്ള 450 താൽക്കാലിക ജീവനക്കാരെ പിരിച്ചുവിടാൻ തീരുമാനിച്ചതായി പ്രഖ്യാപിച്ചു. നികുതി സമർപ്പിക്കുന്ന സീസൺ പൂർണ്ണതോതിൽ നടക്കുന്ന സമയത്താണ് മാർച്ച് അവസാനത്തോടെ ഇവരുടെ കരാർ പുതുക്കില്ലെന്ന് ഏജൻസി അറിയിച്ചത്.
കാനഡ സർക്കാരിന്റെ ചെലവ് പുനഃപരിശോധനയുടെ ഭാഗമായാണ് ഈ നടപടിയെന്ന് CRA വ്യക്തമാക്കി. സർക്കാരിന്റെ മുൻഗണനകൾക്കനുസരിച്ച് ജീവനക്കാരുടെ എണ്ണം ക്രമീകരിക്കുകയും സുസ്ഥിരമായ പ്രവർത്തനങ്ങൾ നിലനിർത്തുകയുമാണ് ലക്ഷ്യമെന്ന് ഏജൻസി അറിയിച്ചു.
2024 നവംബറിൽ 600 താൽക്കാലിക ജീവനക്കാരെ പിരിച്ചുവിട്ടതിന് പിന്നാലെയാണ് ഈ നടപടി. അതോടൊപ്പം അത്യാവശ്യമല്ലാത്ത ഓവർടൈം ജോലികൾ നിർത്തിവയ്ക്കുകയും പുതിയ നിയമനങ്ങൾക്ക് നിയന്ത്രണമേർപ്പെടുത്തുകയും ചെയ്തിരുന്നു.
CRA ഈ സാഹചര്യത്തിൽ ഓൺലൈൻ സേവനങ്ങൾ കൂടുതൽ മെച്ചപ്പെടുത്തി ജീവനക്കാരുടെ കുറവ് പരിഹരിക്കാൻ ശ്രമിക്കുന്നുണ്ട്. എന്നിരുന്നാലും, സാങ്കേതിക പ്രശ്നങ്ങൾ നേരിടുന്ന താരിഫ് ലഭിക്കുന്നവർക്ക് വേണ്ടത്ര സഹായം ലഭിക്കുമോ എന്ന ചോദ്യം ഉയരുന്നുണ്ട്.
ഫെഡറൽ സർക്കാരിന്റെ ചെലവ് ചുരുക്കൽ നടപടികൾ തുടരുന്ന സാഹചര്യത്തിൽ മറ്റ് വകുപ്പുകളിലും സമാന പിരിച്ചുവിടലുകൾ ഉണ്ടായേക്കാമെന്ന ആശങ്കയും നിലനിൽക്കുന്നു. ഈ സാഹചര്യത്തിൽ സർക്കാർ സേവനങ്ങളുടെ ഗുണനിലവാരം ഉറപ്പുവരുത്തുന്നതിനുള്ള ദീർഘകാല പരിഹാരങ്ങൾ ആവശ്യമാണെന്ന് വിദഗ്ധർ ചൂണ്ടിക്കാട്ടുന്നു
