ചീഫ് മെഡിക്കൽ ഓഫീസറിന്റെ മുന്നറിയിപ്പ്
കാനഡയുടെ ചീഫ് മെഡിക്കൽ ഓഫീസർ Dr. തെരേസ താം മീസിൽസ് കേസുകളിൽ വർദ്ധനവ് റിപ്പോർട്ട് ചെയ്തു. 2025-ന്റെ ആദ്യ രണ്ട് മാസങ്ങളിൽ 227 സ്ഥിരീകരിച്ച കേസുകൾ – 2024 ഉണ്ടായതിനേക്കാൾ കൂടുതൽ.
ന്യൂ ബ്രൺസ്വിക്, ഒന്റാരിയോ, ക്വിബെക്, മാനിറ്റോബ എന്നിവിടങ്ങളിലെ പൊട്ടിപ്പുറപ്പെടലുകൾ സ്കൂളുകൾ, ഡേകെയർ സെന്ററുകൾ, ആരോഗ്യ കേന്ദ്രങ്ങൾ എന്നിവിടങ്ങളിലെ പ്രതിരോധ കുത്തിവയ്പ്പ് എടുക്കാത്തതോ, കുറവായി എടുത്തതോ ആയ കുട്ടികളിൽ നിന്നാവാം എന്ന് കരുതപ്പെടുന്നു.
ആഗോള തലത്തിൽ മീസിൽസ് കേസുകൾ വർദ്ധിച്ചുകൊണ്ടിരിക്കെ, പ്രത്യേകിച്ച് സ്പ്രിംഗ് ബ്രേക്ക് യാത്രകൾക്ക് മുമ്പ്, പ്രതിരോധ കുത്തിവയ്പ്പുകൾ എടുത്തിട്ടുണ്ടെന്ന് ഉറപ്പുവരുത്താൻ Dr. താം കനേഡിയരോട് അഭ്യർത്ഥിച്ചു.
മീസിൽസ് അതിവേഗം പകരുന്ന രോഗമാണ്, ന്യുമോണിയ, മസ്തിഷ്ക വീക്കം, മരണം തുടങ്ങിയ ഗുരുതരമായ സങ്കീർണതകളിലേക്ക് നയിക്കാം – പ്രത്യേകിച്ച് ചെറിയ കുട്ടികൾ, ഗർഭിണികൾ, രോഗപ്രതിരോധ ശേഷി കുറഞ്ഞവർ എന്നിവരിൽ.
