ഒന്റാരിയോ; കാനഡയിലേക്ക് പഠനത്തിനായി എത്തുന്ന പുതിയ അന്താരാഷ്ട്ര വിദ്യാർത്ഥികളുടെ എണ്ണം 50% വരെ കുറയ്ക്കാൻ സർക്കാർ ലക്ഷ്യമിടുന്നു എന്ന വാർത്ത കാനഡ സ്വപ്നം കാണുന്നവരിൽ നല്ലൊരു ശതമാനം ആളുകളിലും ആശങ്കയുണ്ടാക്കിയിട്ടുണ്ട്. എന്നാൽ ഈ തീരുമാനത്തെ, കാനഡയിലേക്ക് ഭാവിയിൽ കുടിയേറാൻ ആഗ്രഹിക്കുന്നവർ ഒരു ‘പോസിറ്റീവ് ന്യൂസ്’ ആയി കാണേണ്ടതുണ്ട്. കാനഡയിലേക്കുള്ള വാതിൽ അടയ്ക്കുന്നതിന് പകരം, കൂടുതൽ സ്ഥിരതയുള്ള ഒരു കാനഡ ജീവിതത്തിന് അടിത്തറയിടുകയാണ് ഈ പുതിയ നയം ചെയ്യുന്നത്.
വിദ്യാർത്ഥികളുടെ എണ്ണം കുറയ്ക്കുന്നത് എന്തിന്?
50% കുറവ് എന്ന വാർത്ത കേട്ട് ഭയപ്പെടേണ്ട. കാനഡയിലെ താമസ സൗകര്യക്കുറവ് (Housing Shortage), ആരോഗ്യമേഖലയിലെ സമ്മർദ്ദം എന്നിവ വലിയൊരു പ്രശ്നമായി മാറിയിരുന്നു. വലിയ തോതിൽ ആളുകൾ എത്തിയപ്പോൾ, അവർക്ക് വേണ്ടത്ര നല്ല ജീവിത സാഹചര്യങ്ങൾ ഒരുക്കാൻ രാജ്യത്തിന് കഴിഞ്ഞില്ല. അതുകൊണ്ടാണ്, ഇനിയും പുതിയ ആളുകൾ എത്തുന്നതിൻ്റെ വേഗം കുറയ്ക്കാൻ സർക്കാർ തീരുമാനിച്ചത്. ഇത്, കുറഞ്ഞ എണ്ണത്തിൽ കാനഡയിൽ എത്തുന്ന വിദ്യാർത്ഥികൾക്ക് കൂടുതൽ നല്ല താമസ സൗകര്യങ്ങളും, മെച്ചപ്പെട്ട തൊഴിൽ അവസരങ്ങളും ഉറപ്പാക്കാൻ സഹായിക്കും.
സ്ഥിരതാമസത്തിലേക്കുള്ള വഴി കൂടുതൽ എളുപ്പമാകും
കാനഡ സർക്കാരിൻ്റെ പുതിയ ഇമിഗ്രേഷൻ ലെവൽസ് പ്ലാൻ്റെ ഏറ്റവും വലിയ പ്രത്യേകത, താൽക്കാലികമായി രാജ്യത്ത് താമസിക്കുന്നവരെ (വിദ്യാർത്ഥികളെയും തൊഴിലാളികളെയും) സ്ഥിരതാമസത്തിലേക്ക് (PR) മാറ്റുന്നതിന് കൂടുതൽ ശ്രദ്ധ നൽകുന്നു എന്നതാണ്. പുറത്തുനിന്ന് പുതിയ ആളുകളെ കൊണ്ടുവരുന്നതിന് പകരം, കാനഡയിൽ പഠിക്കുകയും ജോലി ചെയ്യുകയും ചെയ്ത ആളുകൾക്ക് മുൻഗണന നൽകാനാണ് ഇപ്പോൾ തീരുമാനം. അതുകൊണ്ട്, കാനഡയിലേക്ക് എത്തിപ്പെടാൻ സാധിക്കുന്നവർക്ക് PR നേടാനുള്ള സാധ്യത മുമ്പത്തേക്കാൾ ശക്തമാവുകയാണ്.
PNP ലക്ഷ്യം ഉയർത്തി; ഫാസ്റ്റ് ട്രാക്ക് PR വരുന്നു
ഈ ‘പോസിറ്റീവ് മാറ്റത്തിന്’ തെളിവുകളുമുണ്ട്. പ്രൊവിൻഷ്യൽ നോമിനി പ്രോഗ്രാം (PNP) വഴി PR നൽകുന്നതിൻ്റെ ലക്ഷ്യം 66% വരെയാണ് വർദ്ധിപ്പിച്ചത്. അതായത്, ഒരു പ്രവിശ്യയിൽ പഠിക്കുകയോ ജോലി ചെയ്യുകയോ ചെയ്യുന്നവർക്ക് അവിടുത്തെ PR എളുപ്പത്തിൽ ലഭിക്കാൻ കൂടുതൽ അവസരമുണ്ട്. അതുപോലെ, വിദഗ്ദ്ധ തൊഴിലാളികളെ PR-ലേക്ക് ‘ഫാസ്റ്റ് ട്രാക്ക്’ ചെയ്യാൻ പ്രത്യേക പദ്ധതിയും കൊണ്ടുവരുന്നു. കാനഡയിൽ ജോലിയും നല്ല കമ്മ്യൂണിറ്റി ബന്ധവുമുള്ള 33,000 പേർക്ക് അതിവേഗം PR ലഭിക്കാൻ ഇത് സഹായിക്കും.
കാനഡ സ്വപ്നം കണ്ടവർ അറിയാൻ
കാനഡയിലേക്കുള്ള യാത്ര ഒരിക്കലും അവസാനിക്കുന്നില്ല. പകരം, അവിടെ എത്തിപ്പെട്ട ശേഷം മുന്നോട്ടുള്ള ജീവിതം കൂടുതൽ എളുപ്പമാക്കാൻ വേണ്ടിയുള്ള ഒരു ‘അഡ്ജസ്റ്റ്മെൻ്റ്’ ആണ് ഇപ്പോൾ നടക്കുന്നത്. ഇനി കാനഡയിലേക്ക് പോകാൻ ആഗ്രഹിക്കുന്നവർ ശ്രദ്ധിക്കേണ്ടത്, ‘എന്തെങ്കിലും ഒരു വഴി’ എന്നതിലുപരി, കൃത്യമായ പ്ലാനോടുകൂടി പോകാനാണ്. നിങ്ങൾ തിരഞ്ഞെടുക്കുന്ന പഠനമേഖല, തൊഴിൽപരിചയം എന്നിവയനുസരിച്ച് PR നേടാൻ സാധ്യത കൂടുതലുള്ള പ്രോഗ്രാമുകൾ കണ്ടെത്തി മാത്രം മുന്നോട്ട് പോകുക. കാനഡയിലേക്ക് പ്രവേശിക്കുന്നവരുടെ എണ്ണം കുറയുമ്പോൾ, അർഹതയുള്ളവർക്ക് PR നേടാനുള്ള അവസരം വർദ്ധിക്കും. അതിനാൽ നിരാശപ്പെടേണ്ട, ലക്ഷ്യത്തിൽ ശ്രദ്ധ കേന്ദ്രീകരിച്ച് തയ്യാറെടുപ്പുകൾ തുടരുക.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
how-does-canadas-50-percent-student-cut-open-new-pr-pathways
