പുതിയ സ്വപ്നങ്ങളുമായി കാനഡയിൽ എത്തുന്നവർ അറിഞ്ഞിരിക്കേണ്ട ഒരു കാര്യമുണ്ട്. അവിടുത്തെ ജീവിതത്തിൽ പണത്തെക്കാൾ ചിലപ്പോൾ പവർ നിങ്ങളുടെ ക്രെഡിറ്റ് സ്കോറിന് ആയിരിക്കും. എന്താണീ ക്രെഡിറ്റ് സ്കോർ എന്നല്ലേ? നിങ്ങളുടെ പണമിടപാടുകൾ എങ്ങനെ കൈകാര്യം ചെയ്തു എന്ന് പറയുന്ന, 300 മുതൽ 900 വരെ റേഞ്ചിലുള്ള ഒരു മൂന്നക്ക നമ്പറാണിത്. ഒരു വീട് വാടകയ്ക്ക് എടുക്കാനോ, പുതിയ കാർ ലോണിനോ, ക്രെഡിറ്റ് കാർഡിനോ അപേക്ഷിക്കുമ്പോൾ ബാങ്കുകാർ ആദ്യം നോക്കുന്നത് ഈ “മാർക്ക്” ആണ്. നിങ്ങളുടെ നാട്ടിലെ ക്രെഡിറ്റ് ഹിസ്റ്ററി കാനഡയിൽ ആരും നോക്കില്ല, അതുകൊണ്ട് ഇവിടെ പൂജ്യത്തിൽ നിന്നാണ് തുടങ്ങേണ്ടത്. 760-ന് മുകളിലാണെങ്കിൽ നിങ്ങൾ എക്സലന്റ്! നിങ്ങളുടെ ഭാവി സാധ്യതകൾക്ക് ഈ സ്കോർ ഒരു താക്കോലാണ്.
ക്രെഡിറ്റ് സ്കോർ കൂട്ടാൻ ഒരു മാജിക് ഫോർമുല ഇല്ല, പക്ഷെ കൃത്യമായ ചില കാര്യങ്ങൾ ചെയ്താൽ സ്കോർ വേഗത്തിൽ വളരും. ഒന്നാമതായി, എല്ലാ ബില്ലുകളും, പ്രത്യേകിച്ച് ക്രെഡിറ്റ് കാർഡ് പേയ്മെന്റുകളും കൃത്യസമയത്ത് അടയ്ക്കുക. വൈകിയാൽ സ്കോർ താഴോട്ട് പോകും. രണ്ടാമതായി, നിങ്ങളുടെ ക്രെഡിറ്റ് കാർഡിലെ മുഴുവൻ ലിമിറ്റും ഉപയോഗിക്കാതെ, ഒരു ചെറിയ ഭാഗം (കുറഞ്ഞത് 30% താഴെ) മാത്രം ഉപയോഗിച്ച് അത് അടച്ചു തീർക്കുക. എപ്പോഴും ലിമിറ്റിന് അടുത്ത് പണം ഉപയോഗിക്കുന്നത് റിസ്കായിട്ടാണ് ബാങ്കുകൾ കാണുന്നത്. മൂന്നാമതായി, ഫോൺ ബില്ലുകൾ, ഇന്റർനെറ്റ് ബില്ലുകൾ എന്നിവ കൃത്യമായി അടയ്ക്കുന്നുണ്ടെന്ന് ഉറപ്പാക്കുക. കൂടാതെ, ഒരുപാട് ക്രെഡിറ്റ് കാർഡിനായോ ലോണിനായോ ഒരേ സമയം അപേക്ഷ കൊടുക്കുന്നത് ഒഴിവാക്കുക.
കാനഡയിൽ ക്രെഡിറ്റ് ഹിസ്റ്ററി തുടങ്ങാൻ ബുദ്ധിമുട്ടേണ്ട. TD New to Canada Banking Package പോലുള്ള പ്ലാനുകൾ പുതുതായി വരുന്നവർക്കായി ഒരു മികച്ച തുടക്കമാണ് നൽകുന്നത്. ഈ പാക്കേജിൽ അവർ പുതിയ ക്രെഡിറ്റ് കാർഡ് ഓപ്ഷൻ ഉൾപ്പെടുത്തിയിട്ടുണ്ട്. ഒരു ക്രെഡിറ്റ് കാർഡ് കിട്ടിയാൽ അത് ഉപയോഗിച്ച്, കൃത്യമായി പണം അടയ്ക്കുന്നതിലൂടെ നിങ്ങളുടെ ക്രെഡിറ്റ് ചരിത്രത്തിന്റെ ‘ബേസ്മെന്റ്’ ശക്തിപ്പെടുത്താം. ഒരു ബഡ്ജറ്റ് ഉണ്ടാക്കി, എല്ലാ പേയ്മെന്റുകളും ട്രാക്ക് ചെയ്യാൻ TD ആപ്പ് പോലുള്ള ടൂളുകൾ ഉപയോഗിക്കുന്നത് നിങ്ങളുടെ സാമ്പത്തിക അച്ചടക്കം ഉറപ്പാക്കും.
160 വർഷത്തിലധികം ചരിത്രമുള്ളതും 80-ൽ അധികം ഭാഷകളിൽ സേവനം നൽകുന്നതുമായ TD, കാനഡയിലെ ഏറ്റവും വലിയ ബാങ്കുകളിൽ ഒന്നാണ്. കാനഡയിലെ ബാങ്കിംഗ് നിയമങ്ങളെക്കുറിച്ച് പുതുമുഖങ്ങളെ സഹായിക്കാൻ അവർക്ക് പ്രത്യേക പരിചയമുണ്ട്. ലളിതമായ ബാങ്കിംഗ് വിവരങ്ങൾ മുതൽ ക്രെഡിറ്റ് സ്കോർ ടിപ്പുകൾ വരെ നൽകാൻ അവർ സജ്ജരാണ്. നിങ്ങളുടെ എല്ലാ സാമ്പത്തിക കാര്യങ്ങൾക്കും ഒരു വിശ്വസ്ത പങ്കാളിയെ വേണമെങ്കിൽ, TD യിൽ ഒരു അക്കൗണ്ട് തുറക്കാനുള്ള അപ്പോയിന്റ്മെന്റ് ഓൺലൈനായി ബുക്ക് ചെയ്യാവുന്നതാണ്. നിങ്ങളുടെ കനേഡിയൻ സ്വപ്നങ്ങൾക്ക് ചിറകു നൽകാൻ ക്രെഡിറ്റ് സ്കോർ ഒരു മുതൽക്കൂട്ടാകട്ടെ!
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Give wings to Canadian dreams: This 'credit score' is bigger than money! Everything you need to know..
