കാനഡയിൽ പൗരത്വം നേടാൻ ആഗ്രഹിക്കുന്നവർക്ക് സന്തോഷ വാർത്ത. നിങ്ങളുടെ മുത്തശ്ശനോ മുത്തശ്ശിക്കോ കനേഡിയൻ പൗരത്വം ഉണ്ടോ? എങ്കിൽ നിങ്ങൾക്ക് കാനഡയുടെ പൗരത്വം ലഭിക്കാൻ സാധ്യതയുണ്ട്. കാനഡയ്ക്ക് പുറത്ത് ജനിച്ച ലക്ഷക്കണക്കിന് ആളുകൾക്ക് പൗരത്വം നേടാനുള്ള വാതിൽ തുറന്നിട്ടിരിക്കുകയാണ് കനേഡിയൻ സർക്കാർ. നിലവിലെ നിയമത്തിലെ ചില പ്രശ്നങ്ങൾ കാരണം പൗരത്വം നിഷേധിക്കപ്പെട്ടവർക്കാണ് ഈ സുവർണ്ണാവസരം ഒരുങ്ങുന്നത്. വിവേചനാധികാരമുള്ള (Discretionary Grant) പൗരത്വം ലഭിക്കുന്നതിനുള്ള ഇടക്കാല നടപടികൾ സർക്കാർ പ്രഖ്യാപിച്ചു കഴിഞ്ഞു.
ഇതിനായി ചെയ്യേണ്ടത് ഇത്രമാത്രം:
കനേഡിയൻ പൗരത്വം പാരമ്പര്യമായി ലഭിക്കുന്നതിലെ ‘ഫസ്റ്റ്-ജനറേഷൻ ലിമിറ്റ്’ (FGL) എന്ന നിയമം കാരണം പൗരത്വം നഷ്ടപ്പെട്ട ആളുകൾക്ക്, ഇപ്പോൾ പൗരത്വം തെളിയിക്കുന്നതിനുള്ള അപേക്ഷ ഓൺലൈനായി സമർപ്പിക്കാം. നിങ്ങളുടെ അപേക്ഷ ഇമ്മിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) പരിശോധിക്കും. FGL ബാധിച്ച വ്യക്തിയാണ് നിങ്ങളെങ്കിൽ, ഉടൻ തന്നെ വിവേചനാധികാര ഗ്രാന്റിനായി അപേക്ഷിക്കാൻ അവർ നിങ്ങളെ ക്ഷണിക്കും. നിങ്ങൾ ഇതിന് അർഹനാണോ എന്നറിയാൻ IRCC-യുടെ വെബ്സൈറ്റിലെ ഓൺലൈൻ ചോദ്യാവലി പൂർത്തിയാക്കിയാൽ മതി. പൗരത്വത്തിന്റെ തെളിവിനായി എങ്ങനെ അപേക്ഷിക്കണം, അടിയന്തിരമായി പ്രോസസ്സ് ചെയ്യാൻ എങ്ങനെ അപേക്ഷിക്കാം എന്നതിനെക്കുറിച്ചെല്ലാം വിശദാംശങ്ങൾ ലഭ്യമാണ്.
എന്തുകൊണ്ടാണ് ഇങ്ങനെയൊരു മാറ്റം?
2009-ൽ കൊണ്ടുവന്ന ‘ഫസ്റ്റ്-ജനറേഷൻ ലിമിറ്റ്’ നിയമപ്രകാരം, കാനഡക്ക് പുറത്ത് ജനിക്കുന്ന കനേഡിയൻ പൗരത്വം പാരമ്പര്യമായി ലഭിച്ചവർക്ക് അവരുടെ കുട്ടികൾക്ക് പൗരത്വം കൈമാറാൻ സാധിക്കുമായിരുന്നില്ല. അതായത്, മുത്തശ്ശൻ കനേഡിയൻ ആണെങ്കിലും പേരക്കുട്ടിക്ക് പൗരത്വം ലഭിക്കില്ലായിരുന്നു. എന്നാൽ, ഈ നിയമം ഭരണഘടനാ വിരുദ്ധമാണെന്ന് 2023 ഡിസംബറിൽ കോടതി വിധിച്ചു. നിയമം മാറ്റാൻ സർക്കാരിന് 2025 നവംബർ 20 വരെയാണ് ഗ്രേസ് പിരീഡ് നീട്ടി നൽകിയിരിക്കുന്നത്. നിയമപരമായ ഒരു സ്ഥിരം പരിഹാരം വരുന്നതുവരെ ആളുകളെ സഹായിക്കാനാണ് സർക്കാർ ഇപ്പോൾ ഈ ഇടക്കാല നടപടികൾ കൊണ്ടുവന്നിരിക്കുന്നത്.
ഇതിനിടയിൽ, ‘ബിൽ C-3’ എന്ന പേരിൽ പുതിയ നിയമം പാർലമെന്റിൽ പരിഗണനയിലാണ്. ഈ ബിൽ പാസായാൽ, കനേഡിയൻ മാതാപിതാവ് കുട്ടിയുടെ ജനനത്തിന് മുൻപ് കുറഞ്ഞത് 1,095 ദിവസമെങ്കിലും കാനഡയിൽ താമസിച്ചിട്ടുണ്ട് എന്ന് തെളിയിച്ചാൽ FGL നിയമത്തിൽ നിന്ന് ഒഴിവാകും. കൂടാതെ, 18 വയസ്സിന് മുകളിലുള്ള അപേക്ഷകർക്ക് ഒരു സുരക്ഷാ പരിശോധനയും ആവശ്യമായി വരും. എന്തായാലും, സ്ഥിരം നിയമത്തിനായി കാത്തിരിക്കാതെ, കനേഡിയൻ പൗരത്വം ആഗ്രഹിക്കുന്നവർക്ക് ഇപ്പോൾ ലഭിച്ച അവസരം പരമാവധി ഉപയോഗിക്കാം. വേഗത്തിൽ അപേക്ഷിക്കാൻ ശ്രമിക്കൂ!
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
Good news awaited by millions of people; Canada opens the door to citizenship!
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
