എഡ്മന്റൺ: ആൽബർട്ട ഹെൽത്ത് സർവീസസ് (AHS) കോർപ്പറേറ്റ് സർവീസസ് വിഭാഗത്തിൽ ഏകദേശം 100 ജീവനക്കാരെ പിരിച്ചുവിട്ടതായും 300 ഒഴിഞ്ഞ തസ്തികകൾ ഒഴിവാക്കിയതായും അറിയിച്ചു. സ്ഥാപനത്തെ കൂടുതൽ കാര്യക്ഷമമാക്കുന്നതിൻ്റെ ഭാഗമായിട്ടാണ് ഈ നടപടിയെന്ന് AHS പുറത്തിറക്കിയ പ്രസ്താവനയിൽ പറയുന്നു. ഐടി (IT), ഹ്യൂമൻ റിസോഴ്സസ്, കമ്മ്യൂണിക്കേഷൻസ് തുടങ്ങിയ കോർപ്പറേറ്റ് വിഭാഗങ്ങളിലെ തസ്തികകളെയാണ് ഈ മാറ്റങ്ങൾ പ്രധാനമായും ബാധിച്ചത്.
AHS-ന്റെ മൊത്തം ജീവനക്കാരിൽ 0.4 ശതമാനം ആളുകളെമാത്രമാണ് പിരിച്ചുവിട്ടതെന്നാണ് പ്രസ്താവനയിൽ പറയുന്നത്. ഫ്രണ്ട് ലൈൻ ക്ലിനിക്കൽ മേഖലകളിലെ ജീവനക്കാരെ പിരിച്ചുവിട്ടിട്ടില്ലെന്നും, ഈ നടപടി ഫ്രണ്ട് ലൈൻ ക്ലിനിക്കൽ സേവനങ്ങളെ ഇത് നേരിട്ട് ബാധിച്ചിട്ടില്ലെന്നും അധികൃതർ വ്യക്തമാക്കി.
പിരിച്ചുവിട്ട ജീവനക്കാർക്കും അവരുടെ ടീമുകൾക്കും ആവശ്യമായ എല്ലാ പിന്തുണയും വരും ആഴ്ചകളിൽ നൽകുമെന്ന് AHS അറിയിച്ചു. സംഭവവുമായി ബന്ധപ്പെട്ട് കൂടുതൽ വിവരങ്ങൾ നൽകാൻ അധികൃതർ തയ്യാറായിട്ടില്ല.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
AHS lays off about 100 employees in corporate services
