പ്രിൻസ് എഡ്വേർഡ് ഐലൻഡ്: വൃക്കരോഗികൾക്ക് ആശ്വാസമായി, ഹോം ഹീമോഡയാലിസിസ് (Home Hemodialysis) ചികിത്സാ രീതിക്ക് പ്രിൻസ് എഡ്വേർഡ് ഐലൻഡിൽ തുടക്കമായി. കാനഡയിൽ ഈ സൗകര്യം അവസാനമായി തുടങ്ങിയ പ്രവിശ്യയാണ് P.E.I.. ആഴ്ചയിൽ മണിക്കൂറുകളോളം ആശുപത്രിയിൽ ചെലവഴിച്ച് ഡയാലിസിസ് ചെയ്യേണ്ട ബുദ്ധിമുട്ട് ഇനിയില്ല. പകരം, യന്ത്രങ്ങൾ വീട്ടിലേക്ക് കൊണ്ടുപോയി, രാത്രിയിൽ ഉറങ്ങുമ്പോൾ തന്നെ ചികിത്സ പൂർത്തിയാക്കാം. സ്വന്തം കാര്യങ്ങൾക്കായി കൂടുതൽ സമയം കണ്ടെത്താൻ ഇത് രോഗികളെ സഹായിക്കും.
ഒന്നര വർഷമായി ഡയാലിസിസ് ചെയ്യുന്ന ആൻഡി വർത്ത് എന്ന രോഗി ഈ മാറ്റത്തിൽ ആവേശഭരിതനാണ്. “ചികിത്സ കൂടുതൽ സമയം ലഭിക്കുന്നതുകൊണ്ട് എനിക്ക് നല്ല മാറ്റമുണ്ട്. ഇവിടെ ആഴ്ചയിൽ മൂന്ന് ദിവസം, നാല് മണിക്കൂർ വീതം ആശുപത്രിയിൽ വരണം. ഇനി അതില്ല! രാത്രിയിൽ വീട്ടിലിരുന്ന് ചെയ്യാം. എന്റെ ദിവസങ്ങൾ സ്വതന്ത്രമായി,” അദ്ദേഹം പറയുന്നു. രോഗികൾക്ക് ഈ യന്ത്രം വീട്ടിലിരുന്ന് ഉപയോഗിക്കാൻ വേണ്ട പരിശീലനം ആരോഗ്യ പ്രവർത്തകർ നൽകുന്നുണ്ട്. ഒരു രോഗിക്ക് സുരക്ഷിതമായി ഡയാലിസിസ് ചെയ്യാൻ ഏകദേശം 10 ആഴ്ചത്തെ പരിശീലനം വേണ്ടിവരും.
ഈ പുതിയ പദ്ധതി രോഗികൾക്ക് മാത്രമല്ല, ആശുപത്രികൾക്കും വലിയ ആശ്വാസമാണ്. P.E.I-യിൽ ഏകദേശം 130 പേർക്ക് ഹീമോഡയാലിസിസ് ആവശ്യമുണ്ട്. ഇതിൽ 30 ശതമാനം പേരെയെങ്കിലും വീട്ടിലിരുന്ന് ചികിത്സിക്കാൻ സാധിക്കുമെന്നാണ് ഡോക്ടർമാർ പ്രതീക്ഷിക്കുന്നത്. “ആശുപത്രിയിൽ വെച്ച് ഡയാലിസിസ് ചെയ്യുന്നതിനേക്കാൾ വളരെ ചെലവ് കുറവാണ് ഈ രീതി. ഇത് ആരോഗ്യരംഗത്തെ മറ്റ് ആവശ്യങ്ങൾക്കായി കൂടുതൽ പണം ഉപയോഗിക്കാൻ സഹായിക്കും,” നെഫ്രോളജിസ്റ്റ് ഡോ. മൈക്കിൾ ജിർസ്ബെർഗർ അഭിപ്രായപ്പെട്ടു.
രോഗികൾക്ക് യന്ത്രങ്ങൾ സൗജന്യമായി നൽകുന്നതുകൊണ്ട് സാമ്പത്തിക ബുദ്ധിമുട്ടും ഇല്ല.
ലോറൻ റെയ് എന്ന നഴ്സ് പറയുന്നത്, “ഡയാലിസിസ് ഒരു ‘ജോലി’ പോലെയായിരുന്നു പല രോഗികൾക്കും. ആശുപത്രിയിൽ പോയി വന്നാൽ അവർ ആകെ തളരും.” ചികിത്സ കഴിഞ്ഞ് പോകുമ്പോൾ അവർക്ക് ക്ഷീണമായിരിക്കും. എന്നാൽ, രാത്രിയിൽ വീട്ടിലിരുന്ന് ചെയ്യുന്നതോടെ അവരുടെ പകൽ സമയം നഷ്ടപ്പെടുന്നില്ല. ഈ മാറ്റം അവർക്ക് നൽകുന്ന ആശ്വാസം വളരെ വലുതാണെന്നും അവർ കൂട്ടിച്ചേർത്തു. വീട്ടിൽ മതിയായ വെള്ള ലഭ്യതയും വൈദ്യുതി സൗകര്യവും ഉറപ്പാക്കിയാൽ ആർക്കും ഈ സൗകര്യം ഉപയോഗിക്കാം.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Not a dream, but a reality! Save time and money; Home dialysis now available in P.E.I.
