ഫ്രാൻസിൻ്റെ പ്രഥമ വനിതയായ ബ്രിജിറ്റ് മക്രോൺ ഒരു ട്രാൻസ്ജെൻഡർ ആണെന്ന് പ്രചരിക്കുന്ന ആരോപണങ്ങൾക്കെതിരെ ശാസ്ത്രീയ തെളിവുകൾ അവതരിപ്പിക്കാൻ ഒരുങ്ങി ഫ്രഞ്ച് പ്രസിഡന്റ് ഇമ്മാനുവൽ മക്രോൺ. അമേരിക്കൻ വലതുപക്ഷ പോഡ്കാസ്റ്ററായ കാൻഡേസ് ഓവൻസ് ആണ് ബ്രിജിറ്റ് മക്രോൺ പുരുഷനായിട്ടാണ് ജനിച്ചതെന്ന് ആരോപിച്ചത്. ഈ ആരോപണം ദമ്പതികൾക്ക് മാനസികമായി വലിയ ബുദ്ധിമുട്ടുകൾ ഉണ്ടാക്കിയെന്ന് അവരുടെ അഭിഭാഷകൻ ടോം ക്ലെയർ അറിയിച്ചു.
കാൻഡേസ് ഓവൻസിനെതിരെ മാനനഷ്ടക്കേസ് ഫയൽ ചെയ്ത സാഹചര്യത്തിലാണ് കോടതിയിൽ തങ്ങളുടെ വാദങ്ങൾ തെളിയിക്കുന്നതിനായി ശാസ്ത്രീയ തെളിവുകൾ ഹാജരാക്കാൻ മാക്രോണും ബ്രിജിറ്റും ഒരുങ്ങുന്നത്. ഇത്തരം ആരോപണങ്ങൾ അടിസ്ഥാനരഹിതവും അപമാനകരവുമാണെന്ന് ടോം ക്ലെയർ പറഞ്ഞു. ലോക നേതാക്കളാണെങ്കിലും അവർ മനുഷ്യരാണെന്നും, അവരുടെ സ്വത്വത്തെക്കുറിച്ച് ലോകത്തോട് കള്ളം പറയുന്നുവെന്ന് ആരോപിക്കുന്നത് വേദനാജനകമാണെന്നും അദ്ദേഹം കൂട്ടിച്ചേർത്തു.
72കാരിയായ ബ്രിജിറ്റ് മക്രോൺ മൂന്ന് കുട്ടികളുടെ അമ്മയാണ്. അവർ ഗർഭിണിയായിരുന്നതിന്റെയും കുട്ടികളെ വളർത്തുന്നതിന്റെയും ചിത്രങ്ങൾ കോടതിയിൽ ഹാജരാക്കുമെന്ന് അഭിഭാഷകൻ അറിയിച്ചിട്ടുണ്ട്. ഈ വർഷം ജൂലൈയിലാണ് കാൻഡേസ് ഓവൻസിനെതിരെ മാക്രോൺ നിയമനടപടികൾ തുടങ്ങിയത്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Macrons to offer ‘scientific evidence’ to US court to prove Brigitte is a woman
