ന്യൂ ബ്രൺസ്വിക്കിൽ മോൺക്ടണിന് സമീപമുള്ള ലൂട്ട്സ് മൗണ്ടനിൽ ടയറുകൾ കയറ്റിയ ഒരു ട്രെയിലറിന് തീപിടിച്ചു. ഇന്ന് രാവിലെ 8:30 ഓടെയാണ് സംഭവം. മോൺക്ടൺ ഫയർ ഡിപ്പാർട്ട്മെൻ്റാണ് വിവരങ്ങൾ പുറത്തുവിട്ടത്. റൂട്ട് 126-ൽ ഒരു കടയുടെ ഉള്ളിൽവെച്ചാണ് ട്രെയിലറിന് തീപിടിച്ചതെങ്കിലും, അഗ്നിശമന സേനാംഗങ്ങളുടെ സമയോചിതമായ ഇടപെടൽ കാരണം ഒഴിവായത് വലിയ ദുരന്തമാണ്. ട്രെയിലർ അതിവേഗം കടയുടെ പുറത്തുള്ള സ്ഥലത്തേക്ക് മാറ്റാൻ അവർക്ക് സാധിച്ചു. തീപിടുത്തത്തെ തുടർന്ന് കനത്ത പുക പ്രദേശത്ത് വ്യാപിച്ചു.
രാവിലെ 11 മണിയോടെ തീ പൂർണമായും നിയന്ത്രണവിധേയമാക്കിയതായി മോൺക്ടൺ ഫയർ ഡിപ്പാർട്ട്മെൻ്റ് പ്ലാറ്റൂൺ ചീഫ് ബ്രാഡ് കാൽഹൂൺ അറിയിച്ചു. എല്ലാ ടയറുകളും പൂർണമായി അണച്ചെന്ന് ഉറപ്പാക്കാൻ രണ്ട് ഉദ്യോഗസ്ഥർ സ്ഥലത്ത് തുടർന്നു. ടയറുകൾക്ക് തീപിടിക്കുന്നത് ഡീസൽ, പെട്രോൾ തുടങ്ങിയ ഇന്ധനങ്ങൾക്ക് തീപിടിക്കുന്നതിന് തുല്യമായ ‘ക്ലാസ് ബി’ തീയുടെ വിഭാഗത്തിൽപ്പെടുന്നതിനാൽ ഇത് അപകടകരമാണെന്ന് കാൽഹൂൺ പറഞ്ഞു.
അഗ്നിബാധയിൽ ആർക്കും പരിക്കേറ്റിട്ടില്ല. രണ്ട് ട്രെയിലറുകളും ഒരു സീ കാനും അപകടത്തിൽപ്പെട്ടു. അഗ്നിശമന സേനയുടെ പെട്ടെന്നുള്ള നീക്കം കാരണം കടയ്ക്ക് കാര്യമായ കേടുപാടുകൾ സംഭവിച്ചില്ലെന്നും ഉദ്യോഗസ്ഥർ വ്യക്തമാക്കി. തീപിടുത്തത്തിൻ്റെ കാരണം കണ്ടെത്താൻ അന്വേഷണം പുരോഗമിക്കുകയാണ്.
Trailer carrying tires catches fire, causing extensive damage; Hours to extinguish fire; Major disaster averted
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/JNSnrvnSqw1DUJljLTLp82
