ഫോർഡ് കാനഡയിൽ 1.2 ലക്ഷത്തിലധികം വാഹനങ്ങൾ തിരിച്ചുവിളിക്കുന്നു. റിയർവ്യൂ ക്യാമറയിലുള്ള സാങ്കേതിക തകരാറുകൾ മൂലമാണ് ഈ നടപടി. തിരിച്ചുവിളിക്കുന്ന വാഹനങ്ങളിൽ 2015-നും 2019-നും ഇടയിൽ നിർമ്മിച്ച നാവിഗേറ്റർ, ലിങ്കൺ എംകെസി, മസ്താങ്, റേഞ്ചർ, ട്രാൻസിറ്റ്, ട്രാൻസിറ്റ് കണക്റ്റ്, എക്കോലൈൻ, എഡ്ജ്, എക്സ്പെഡിഷൻ, എഫ്-250 എസ്ഡി, എഫ്-350 എസ്ഡി, എഫ്-450 എസ്ഡി, എഫ്-550 എസ്ഡി തുടങ്ങിയ മോഡലുകൾ ഉൾപ്പെടും. വാഹനം റിവേഴ്സ് എടുക്കുമ്പോൾ ക്യാമറയിൽ നിന്നുള്ള ദൃശ്യങ്ങൾ വികലമാവുകയോ അല്ലെങ്കിൽ പൂർണ്ണമായും അപ്രത്യക്ഷമാവുകയോ ചെയ്യാൻ സാധ്യതയുണ്ടെന്ന് ട്രാൻസ്പോർട്ട് കാനഡയുടെ റിട്ടേൺ നോട്ടീസിൽ പറയുന്നു.
ഇത് അപകടങ്ങൾ ഉണ്ടാകാനുള്ള സാധ്യത വർദ്ധിപ്പിക്കുമെന്നും നോട്ടീസിൽ ചൂണ്ടിക്കാട്ടി. ഈ വിഷയവുമായി ബന്ധപ്പെട്ട് ലോകമെമ്പാടുമുള്ള 1.9 ദശലക്ഷം വാഹനങ്ങൾ ഫോർഡ് തിരിച്ചുവിളിക്കുന്നുണ്ട്. വാഹനം തിരിച്ചുവിളിക്കുന്നതുമായി ബന്ധപ്പെട്ട നോട്ടീസ് ഫോർഡ് ഉടമസ്ഥർക്ക് തപാൽ വഴി അയച്ചു നൽകും. തകരാറുള്ള വാഹനങ്ങൾ ഉടൻ തന്നെ ഡീലർഷിപ്പുകളിൽ എത്തിച്ച് പരിശോധന നടത്താനും ആവശ്യമാണെങ്കിൽ ക്യാമറ മാറ്റിവയ്ക്കാനും ട്രാൻസ്പോർട്ട് കാനഡ നിർദ്ദേശിച്ചു.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
