വിസ നിരസിക്കൽ ഒരു തിരിച്ചടിയല്ല, പുതിയ തുടക്കമാണ്!; കാരണങ്ങളും പരിഹാരങ്ങളും

ഏതൊരു വിദ്യാർത്ഥിയുടെയും വലിയ സ്വപ്നമാണ് കാനഡയിൽ പോയി പഠിക്കുക എന്നത്. അതിനായി എല്ലാ രേഖകളും തയ്യാറാക്കി, വിസക്ക് അപേക്ഷിച്ചു കാത്തിരിക്കുന്ന സമയത്തായിരിക്കും അപ്രതീക്ഷിതമായി ഒരു വിസ നിരസിക്കൽ നോട്ടീസ് ലഭിക്കുന്നത്. ഇത് വലിയ മാനസിക വിഷമമുണ്ടാക്കാവുന്ന ഒരു കാര്യമാണ്. എന്നാൽ വിസ നിരസിക്കപ്പെട്ടാൽ എല്ലാം അവസാനിച്ചു എന്ന് കരുതേണ്ടതില്ല. വിസ നിരസിക്കപ്പെടാനുള്ള കാരണങ്ങൾ മനസ്സിലാക്കി അതിനെ ശരിയായ രീതിയിൽ സമീപിച്ചാൽ വിസ വീണ്ടും നേടാനുള്ള സാധ്യതയുണ്ട്.

വിസ നിരസിക്കപ്പെട്ടാൽ ആദ്യം ചെയ്യേണ്ടത് അതിൻ്റെ കാരണം മനസ്സിലാക്കുക എന്നതാണ്. സാധാരണയായി വിസ അപേക്ഷ നിരസിക്കുമ്പോൾ കാനഡയിലെ ഇമിഗ്രേഷൻ വിഭാഗം (IRCC) ഒരു കത്ത് അയക്കും. ഈ കത്തിൽ വിസ നിരസിക്കാനുള്ള കാരണങ്ങൾ വ്യക്തമാക്കാറുണ്ട്. സാമ്പത്തിക ഭദ്രത തെളിയിക്കുന്ന രേഖകൾ, പഠനം പൂർത്തിയാക്കിയ ശേഷം തിരികെ നാട്ടിലേക്ക് വരും എന്ന് ഉറപ്പ് വരുത്തുന്ന തെളിവുകൾ (home ties), അപേക്ഷയിൽ നൽകിയ വിവരങ്ങളിലെ വൈരുധ്യങ്ങൾ എന്നിവയെല്ലാം സാധാരണയായി വിസ നിരസിക്കാനുള്ള കാരണങ്ങളാവാറുണ്ട്. ഈ കാരണങ്ങൾ കൃത്യമായി മനസ്സിലാക്കിയ ശേഷം മാത്രമേ അടുത്ത പടിയിലേക്ക് കടക്കാവൂ.

കാരണങ്ങൾ മനസ്സിലാക്കിയ ശേഷം നിങ്ങൾക്ക് വീണ്ടും അപേക്ഷ സമർപ്പിക്കാവുന്നതാണ്. ഇതിനെയാണ് പുനരപേക്ഷ (reapplication) എന്ന് പറയുന്നത്. ആദ്യത്തെ അപേക്ഷ നിരസിക്കാനുള്ള കാരണങ്ങൾ പരിഹരിച്ചുകൊണ്ടായിരിക്കണം പുതിയ അപേക്ഷ സമർപ്പിക്കേണ്ടത്. ഉദാഹരണത്തിന്, സാമ്പത്തിക രേഖകളാണ് പ്രശ്നമെങ്കിൽ കൂടുതൽ സാമ്പത്തിക ഉറവിടങ്ങൾ കാണിക്കുക, നാട്ടിലേക്ക് മടങ്ങിവരും എന്ന് ബോധ്യപ്പെടുത്തുന്നതിന് കുടുംബബന്ധങ്ങളെക്കുറിച്ചോ ജോലി സാധ്യതകളെക്കുറിച്ചോ കൂടുതൽ തെളിവുകൾ സമർപ്പിക്കുക, തുടങ്ങിയ കാര്യങ്ങൾ ചെയ്യാം.

ഈ പുനരപേക്ഷ കൂടുതൽ കരുതലോടെയും സൂക്ഷ്മതയോടെയും വേണം തയ്യാറാക്കാൻ. വിസ നിരസിക്കപ്പെട്ടവർക്ക് ലഭ്യമായ മറ്റൊരു മാർഗ്ഗമാണ് പുനരവലോകനത്തിന് അപേക്ഷിക്കുക (Application for Judicial Review). കാനഡയിലെ ഫെഡറൽ കോടതിയിൽ വിസ നിരസിച്ചതിനെതിരെ അപ്പീൽ നൽകുന്ന ഒരു പ്രക്രിയയാണിത്. എന്നാൽ ഈ മാർഗ്ഗം സാധാരണയായി എല്ലാ കേസുകളിലും സ്വീകരിക്കാറില്ല.

നിങ്ങളുടെ വിസ അപേക്ഷ നിയമപരമല്ലാത്ത കാരണങ്ങളാലാണ് നിരസിക്കപ്പെട്ടതെന്ന് നിങ്ങൾക്ക് ബോധ്യമുണ്ടെങ്കിൽ മാത്രം ഈ വഴി തിരഞ്ഞെടുക്കുന്നതാണ് നല്ലത്. ഇതിന് ഒരു ഇമിഗ്രേഷൻ അഭിഭാഷകൻ്റെ സഹായം തേടുന്നത് ഉചിതമായിരിക്കും. വിസ നിരസിക്കപ്പെടുമ്പോൾ നിരാശപ്പെടാതെ, അതിൻ്റെ കാരണങ്ങൾ കണ്ടെത്താനും അത് തിരുത്തി വീണ്ടും അപേക്ഷിക്കാനുമുള്ള അവസരങ്ങൾ ലഭ്യമാണ്. അതിന് കൃത്യമായ രേഖകളും, അനുഭവസമ്പത്തുള്ള ഒരു ഇമിഗ്രേഷൻ കൺസൾട്ടൻ്റിൻ്റെയോ അഭിഭാഷകൻ്റെയോ സഹായവും തേടുന്നത് നിങ്ങളുടെ സ്വപ്നത്തിലേക്കുള്ള വഴി കൂടുതൽ എളുപ്പമാക്കും.

എമിഗ്രേഷൻ സംബന്ധമായ കൂടുതൽ വിവരങ്ങൾക്കും, നിങ്ങളുടെ വിസ അപേക്ഷയുമായി ബന്ധപ്പെട്ട സംശയങ്ങൾക്കും സമീപിക്കാം +1 208 690 8119 ( eHouse Immigrations Services Ltd) (https://ehouseimmigration.ca/)

Visa rejection is not a setback, but a new beginning!; Reasons and solutions