കേരളത്തിൽ നിന്ന് കാനഡയിലേക്ക് പറക്കാമെന്ന് ഉറപ്പുനൽകി, ജോലിവാഗ്ദാനം ചെയ്ത് തട്ടിയത് ഏഴുലക്ഷത്തോളം രൂപ; ഒടുവിൽ പ്രതി പിടിയിൽ

കാനഡയിൽ ജോലി വാഗ്ദാനം ചെയ്ത് ഏഴു ലക്ഷം രൂപയോളം തട്ടിയെടുത്ത കേസിൽ പ്രതി അറസ്റ്റിൽ. പാലക്കാട് ഒറ്റപ്പാലം സ്വദേശി സെയ്ത് മുഹമ്മദ് (63) ആണ് വൈക്കം പോലീസിൻ്റെ പിടിയിലായത്.

അഭിലാഷ് എന്നയാളിൽ നിന്നാണ് ഇയാൾ പണം തട്ടിയെടുത്തത്. കാനഡയിൽ ജോലി വാഗ്ദാനം ചെയ്ത് 11 തവണകളായി അക്കൗണ്ട് വഴിയും നേരിട്ടും 6.90 ലക്ഷം രൂപയാണ് സെയ്ത് മുഹമ്മദ് കൈക്കലാക്കിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

canada job scam man arrested in kottayam