മാനിറ്റോബ പ്രവിശ്യയിലേക്ക് കുടിയേറാൻ ആഗ്രഹിക്കുന്നവർക്കായി മാനിറ്റോബ പ്രൊവിൻഷ്യൽ നോമിനി പ്രോഗ്രാം (MPNP) നടത്തിയ 251-ാമത്തെ എക്സ്പ്രഷൻ ഓഫ് ഇൻ്ററസ്റ്റ് (EOI) നറുക്കെടുപ്പിൽ 37 അപേക്ഷകർക്ക് ഇൻവിറ്റേഷൻസ് (LAA) ലഭിച്ചു. ഓഗസ്റ്റ് 7-ന് നടന്ന ഈ നറുക്കെടുപ്പിൽ സ്കിൽഡ് വർക്കർ സ്ട്രീമിന് കീഴിൽ സ്ട്രാറ്റജിക് റിക്രൂട്ട്മെൻ്റ് ഇനിഷ്യേറ്റീവ് വഴി നേരിട്ട് ഇൻവിറ്റേഷൻ നല്കിയ അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്. ഇൻവിറ്റേഷനുകളിൽ ഏറ്റവും കുറഞ്ഞ റാങ്കിംഗ് സ്കോർ 724 ആയിരുന്നു.
വിവിധ സ്ട്രാറ്റജിക് റിക്രൂട്ട്മെൻ്റ് ഇനിഷ്യേറ്റീവുകൾ പ്രകാരം എത്ര അപേക്ഷകർക്ക് ഇൻവിറ്റേഷൻ ലഭിച്ചു എന്നതിൻ്റെ വിശദാംശങ്ങൾ താഴെ പരിശോധിക്കാം:
എംപ്ലോയർ സർവീസസ് – 15
ഫ്രാങ്കോഫോൺ കമ്മ്യൂണിറ്റി – 19
റീജിയണൽ കമ്മ്യൂണിറ്റീസ് – 1
എത്നോകൾച്ചറൽ കമ്മ്യൂണിറ്റീസ് – 2
കൂടാതെ, ഈ നറുക്കെടുപ്പിൽ 9 ഇൻവിറ്റേഷനുകളിൽ 37 പേരിൽ ഏഴുപേർക്ക് എക്സ്പ്രസ് എൻട്രി പ്രൊഫൈലും ജോബ് സീക്കർ വാലിഡേഷൻ കോഡും ഉണ്ടായിരുന്നു.
തൊഴിൽ രംഗത്ത് ഒരു പ്രത്യേക നിയന്ത്രണമുള്ള മേഖലയിൽ ജോലി ചെയ്യുന്നവരും, മാനിറ്റോബയിൽ ജോലി ചെയ്യാൻ പൂർണ്ണമായി ലൈസൻസ് ഉള്ളവരുമായ അപേക്ഷകരെയും ഈ നറുക്കെടുപ്പിൽ പരിഗണിച്ചിട്ടുണ്ട്. എന്നാൽ, ഇങ്ങനെയുള്ള അപേക്ഷകർ തങ്ങൾക്ക് ലൈസൻസ് ഉണ്ടെന്ന് തെളിയിക്കുന്ന രേഖകൾ ഹാജരാക്കാൻ സാധിക്കാതെ വന്നാൽ അവരുടെ അപേക്ഷ നിരസിക്കപ്പെടാൻ സാധ്യതയുണ്ടെന്നും MPNP മുന്നറിയിപ്പ് നൽകുന്നു. കൂടാതെ, ഉയർന്ന സ്കോർ ഉണ്ടായിട്ടും ക്ഷണക്കത്ത് ലഭിക്കാത്തവർ അവരുടെ EOI പ്രൊഫൈലുകൾ പരിശോധിച്ച് ഭാഷാ പരീക്ഷാ നമ്പറോ, ഇൻവിറ്റേഷൻ നമ്പറോ പോലുള്ള വിവരങ്ങൾ ശരിയാണെന്ന് ഉറപ്പുവരുത്തണമെന്ന് MPNP നിർദേശിച്ചു. തെറ്റായ വിവരങ്ങൾ കാരണം പലപ്പോഴും അപേക്ഷകർക്ക് ക്ഷണം നഷ്ടപ്പെടാൻ സാധ്യതയുണ്ട്.
