പോർച്ചുഗലിലെ അസോറസ് ദ്വീപുകളിൽ നടന്ന “അദ്ഭുത ലാൻഡിംഗിന്” 24 വർഷം തികയുന്നു. 2001 ഓഗസ്റ്റ് 24-ന് എയർ ട്രാൻസാറ്റ് ഫ്ലൈറ്റ് 236, 39,000 അടി ഉയരത്തിൽ വെച്ച് ഇന്ധനം തീർന്ന് അറ്റ്ലാന്റിക് സമുദ്രത്തിന് മുകളിലൂടെ 120 കിലോമീറ്ററോളം ദൂരം തെന്നി നീങ്ങുകയായിരുന്നു. കാനഡയിലെ ടൊറന്റോയിൽ നിന്ന് പോർച്ചുഗലിലെ ലിസ്ബണിലേക്ക് 306 യാത്രക്കാരുമായി പോവുകയായിരുന്ന വിമാനത്തിന് പറന്നുയർന്ന് ഏകദേശം 5 മണിക്കൂറിന് ശേഷം ഇന്ധനച്ചോർച്ച കാരണം എഞ്ചിൻ തകരാറിലായി. 13 മിനിറ്റിനുശേഷം രണ്ടാമത്തെ എഞ്ചിനും നിലച്ചതോടെ യാത്രക്കാർ മരണഭയത്തിലായി.
ക്യാപ്റ്റൻ റോബർട്ട് പിച്ചെയുടെ അസാമാന്യ ധീരത
ഇന്ധനമില്ലാതെ തെന്നി നീങ്ങുകയായിരുന്ന വിമാനം അസോറസ് ദ്വീപുകളിലെ ചെറിയ എയർപോർട്ടിൽ വിജയകരമായി ലാൻഡ് ചെയ്തത് ക്യാപ്റ്റൻ റോബർട്ട് പിച്ചെയുടെയും ഫസ്റ്റ് ഓഫീസർ ഡിർക്ക് ഡിജാഗറുടെയും മനസാന്നിധ്യം കൊണ്ടുമാത്രമാണ്. ഒരു തുള്ളി ഇന്ധനം പോലുമില്ലാതെ ഒരു യാത്രാവിമാനം ലാൻഡ് ചെയ്യിച്ച ആദ്യത്തെ പൈലറ്റായി ഇതോടെ ക്യാപ്റ്റൻ പിച്ചെ മാറി.
‘അസോറസിലെ അദ്ഭുതം’ ഒരു റെക്കോർഡ് നേട്ടം
ഈ സംഭവം “അസോറസിലെ അദ്ഭുതം” എന്നറിയപ്പെടുകയും ലോക റെക്കോർഡായി മാറുകയും ചെയ്തു. ഒരു യാത്രാവിമാനം ഏറ്റവും കൂടുതൽ ദൂരം ‘ഗ്ലൈഡ്’ ചെയ്ത് ലാൻഡ് ചെയ്തതും, എഞ്ചിനുകൾ പൂർണ്ണമായി നിലച്ചതിന് ശേഷം 15 മിനിറ്റിനുള്ളിൽ വിമാനം വിജയകരമായി ലാൻഡ് ചെയ്തതും ഈ സംഭവത്തെ ശ്രദ്ധേയമാക്കി. ഈ അത്ഭുതകരമായ ലാൻഡിംഗിന് ശേഷം വിമാനങ്ങളുടെ രൂപകൽപ്പനയിലും സുരക്ഷാ സംവിധാനങ്ങളിലും കാര്യമായ പരിഷ്കാരങ്ങൾ വരുത്താൻ വിമാനക്കമ്പനികൾ നിർബന്ധിതരായി. ഈ സംഭവം വ്യോമയാന ചരിത്രത്തിലെ ഒരു സുപ്രധാന അധ്യായമായി ഇന്നും ഓർമ്മിക്കപ്പെടുന്നു.
Air Transat Flight 236, known as the ‘Azores Miracle,’ successfully landed after running out of fuel over the Atlantic
