കാനഡയിലെ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) എക്സ്പ്രസ് എൻട്രി സിസ്റ്റം വഴി കൂടുതൽ അപേക്ഷകർക്ക് ഇൻവിറ്റേഷൻസ് (ITA) അയച്ചു. പ്രൊവിൻഷ്യൽ നോമിനി പ്രോഗ്രാം (PNP) വിഭാഗത്തിലെ 202 അപേക്ഷകർക്കാണ് ഇന്ന് നടന്ന നറുക്കെടുപ്പിൽ ഇൻവിറ്റേഷൻ ലഭിച്ചത്. 788 കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോറുള്ള അപേക്ഷകരാണ് ഈ നറുക്കെടുപ്പിൽ പരിഗണിക്കപ്പെട്ടത്. കൂടാതെ, 2025 ജൂൺ 5-ന് യൂണിവേഴ്സൽ കോർഡിനേറ്റഡ് ടൈം (UTC) രാത്രി 11:50-ന് മുമ്പ് എക്സ്പ്രസ് എൻട്രി പ്രൊഫൈൽ ഉണ്ടാക്കിയവരെയാണ് ടൈ-ബ്രേക്കിംഗ് നിയമമനുസരിച്ച് പരിഗണിച്ചത്.
ഈ മാസം നടക്കുന്ന മൂന്നാമത്തെ എക്സ്പ്രസ് എൻട്രി നറുക്കെടുപ്പാണിത്. ജൂലൈ 8-ന് നടന്ന കനേഡിയൻ എക്സ്പീരിയൻസ് ക്ലാസ് (CEC) നറുക്കെടുപ്പ്, ജൂലൈ 7-ന് നടന്ന പ്രൊവിൻഷ്യൽ നോമിനി പ്രോഗ്രാം (PNP) നറുക്കെടുപ്പ്, ജൂൺ 26-ന് നടന്ന മറ്റൊരു CEC നറുക്കെടുപ്പ് എന്നിവയാണ് നേരത്തെ നടന്നത്
2025-ൽ ഇതുവരെ എക്സ്പ്രസ് എൻട്രി സിസ്റ്റം വഴി IRCC 45,403 അപേക്ഷകർക്ക് ഇൻവിറ്റേഷൻസ് അയച്ചിട്ടുണ്ട്. ഈ വർഷം നടന്ന നറുക്കെടുപ്പുകളിൽ കൂടുതലും പിഎൻപി അപേക്ഷകർക്കായിരുന്നു മുൻഗണന നൽകിയത്. ശേഷിക്കുന്ന ഇൻവിറ്റേഷൻ കനേഡിയൻ എക്സ്പീരിയൻസ് ക്ലാസ് (CEC) അപേക്ഷകർക്കും, ഫ്രഞ്ച് ഭാഷാ പ്രാവീണ്യമുള്ളവർക്കും, എക്സ്പ്രസ് എൻട്രി മുൻഗണനാ തൊഴിൽ വിഭാഗങ്ങളിലുള്ളവർക്കും നൽകി. അടുത്തിടെയായി, എക്സ്പ്രസ് എൻട്രി സിസ്റ്റം രണ്ടാഴ്ചയിലൊരിക്കൽ പിഎൻപി, സിഇസി നറുക്കെടുപ്പുകൾ നടത്തുന്നത് ഒരു പതിവായി മാറിയിട്ടുണ്ട്.
Express Entry PNP Draw
