ടൊറന്റോയിലെ സബ്വേയിൽ വെച്ച് 12 വയസ്സുകാരിയെ ലൈംഗികമായി പീഡിപ്പിച്ച കേസിലെ പ്രതിയെ പോലീസ് അറസ്റ്റ് ചെയ്തു.60 വയസ്സുകാരനായ ഷെഹ്സാദ് ഷെർസായാണ് പിടിയിലായത്. ദൃക്സാക്ഷികൾ പോലീസിനെ വിളിച്ച് പ്രതിയെ ചൂണ്ടിക്കാണിച്ചതാണ് അറസ്റ്റിന് സഹായിച്ചതെന്ന് പോലീസ് വ്യക്തമാക്കി.
സബ്വേയിൽ യാത്ര ചെയ്യുകയായിരുന്ന 12 വയസ്സുകാരിയുടെ അടുത്തേക്ക് പ്രതി എത്തുകയും ലൈംഗികമായി ഉപദ്രവിക്കുകയുമായിരുന്നുവെന്ന് അന്വേഷണ ഉദ്യോഗസ്ഥർ പറഞ്ഞു. 16 വയസ്സിൽ താഴെയുള്ള കുട്ടിയെ ലൈംഗികമായി പീഡിപ്പിച്ചതിനും ലൈംഗിക അതിക്രമത്തിനും ഇയാൾക്കെതിരെ കുറ്റം ചുമത്തിയിട്ടുണ്ട്.
ADVERTISEMENT
പ്രതിയുടെ ആക്രമണത്തിന് കൂടുതൽപേർ ഇരകളായിട്ടുണ്ടെന്നാണ് പൊലീസ് കരുതുന്നത്. അതിനാൽ ഇയാളുടെ ചിത്രം പോലീസ് പുറത്തുവിട്ടിട്ടുണ്ട്. കേസുമായി ബന്ധപ്പെട്ട കൂടുതൽ വിവരങ്ങൾ ശേഖരിക്കുന്നതിനായി അന്വേഷണം പുരോഗമിക്കുകയാണ്.
