വിമാന ടിക്കറ്റ് ശരിയാക്കി നൽകാമെന്ന് വിശ്വസിപ്പിച്ച് പണം തട്ടിയ പ്രതി പിടിയിൽ. വെളുത്തൂർ തച്ചംപിള്ളി സ്വദേശി ബി.അനീഷ (27) ആണ് അറസ്റ്റിലായത്. ചിറങ്ങര സുഗതി സ്വദേശി പയ്യപ്പിള്ളി പ്രിൻസനും കുടുബാംഗങ്ങളും അടക്കം 4 പേർക്ക് കാനഡയിൽ നിന്നു കൊച്ചിയിലേക്കുള്ള വിമാന ടിക്കറ്റ് എടുത്ത് നൽകാമെന്നു വിശ്വസിപ്പിച്ചായിരുന്നു തട്ടിപ്പ്. 2.8 ലക്ഷം രൂപയാണ് ഇവരിൽ നിന്ന് തട്ടിയെടുത്തത്.
ബാങ്ക് അക്കൗണ്ട് വഴിയാണ് പണം വാങ്ങിയത്. എന്നാൽ പിന്നീട് ക്കറ്റ് ശരിയാക്കി നൽകുകയോ പണം തിരികെ നൽകുകയോ ചെയ്യാതെ വന്നതോടെയാണ് കുടുംബം പരാതി നൽകിയത്. 21 തട്ടിപ്പുകേസുകളിൽ പ്രതിയാണ് അനീഷ. ആലപ്പുഴ കുത്തിയതോട് പൊലീസ് സ്റ്റേഷൻ പരിധിയിൽ തട്ടിപ്പ് നടത്തിയ കേസിൽ തിരുവനന്തപുരം വനിതാ ജയിലിലായിരുന്ന ഇവരെ കോടതിയുടെ അനുമതിയോടെ അവിടെ നിന്നാണ് കൊരട്ടി പൊലീസ് അറസ്റ്റ് ചെയ്തത്. പ്രതിയെ റിമാൻഡ് ചെയ്തു.
