ടൊറന്റോയിൽ ഒരാഴ്ചയോളം കനത്ത ചൂടും മോശം കാലാവസ്ഥയും അനുഭവപ്പെടുമെന്ന് എൻവയോൺമെന്റ് കാനഡ മുന്നറിയിപ്പ് നൽകി. വടക്കൻ ഒന്റാറിയോയിലെ കാട്ടുതീയിൽ നിന്നുള്ള പുക നഗരത്തിലേക്ക് എത്തുന്നത് കാരണം അന്തരീക്ഷത്തിൽ വായുവിന്റെ ഗുണനിലവാരം വളരെ മോശമാകും. ഇന്നലെ രാത്രിയാണ് നഗരത്തിൽ വായു ഗുണനിലവാര മുന്നറിയിപ്പ് നൽകിയത്. ഇന്ന് പകൽ താപനില 31°C ആയിരിക്കുമെങ്കിലും, ഈർപ്പം കാരണം 40°C വരെ അനുഭവപ്പെടാൻ സാധ്യതയുണ്ട്.
നാളെയും ഇതേ കാലാവസ്ഥ തുടരാൻ സാധ്യതയുള്ളതിനാൽ 65 വയസ്സിന് മുകളിൽ പ്രായമുള്ളവർ, ഗർഭിണികൾ, കുട്ടികൾ, രോഗമുള്ളവർ എന്നിവർക്ക് കൂടുതൽ ശ്രദ്ധ വേണമെന്ന് അധികൃതകർ നിർദ്ദേശിച്ചു. കഠിനമായ വ്യായാമങ്ങൾ ഒഴിവാക്കാനും, പുറത്ത് പോകുന്നത് കുറയ്ക്കാനും പ്രത്യേക അറിയിപ്പുണ്ട്.
ഈ ആഴ്ച അവസാനം വരെ ചൂടും ഈർപ്പവും തുടരുമെന്നാണ് പ്രതീക്ഷിക്കുന്നത്. ഹ്യുമിഡിറ്റി 35-നും 40-നും ഇടയിലായിരിക്കും. രാത്രിയിലെ താപനില 19°C-നും 23°C-നും ഇടയിലായിരിക്കുന്നത് ചൂടിൽ നിന്ന് കാര്യമായ ആശ്വാസം നൽകില്ല. ഉയർന്ന ചൂട് എല്ലാവരുടെയും ആരോഗ്യത്തെ ബാധിക്കുന്നതിനാൽ, സ്വയം സംരക്ഷിക്കാനും ചുറ്റുമുള്ളവരുടെ ആരോഗ്യം ശ്രദ്ധിക്കാനും എൻവയോൺമെന്റ് അറിയിപ്പ് നൽകിയിട്ടുണ്ട്.
