യോർക്കിൽ വാഹനങ്ങൾ കൂട്ടിയിടിച്ചു; ഒരു മരണം, പരിക്കേറ്റയാൾ ചികിത്സയിൽ

യോർക്ക് മേഖലയിലെ ഹൈവേ 9 ൽ ഉണ്ടായ വാഹനാപകടത്തിൽ ഒരു മരണം. പരിക്കേറ്റ ഒരാളെ ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് 1 മണിക്കാണ് സംഭവം. ഹൈവേ 9 ലേക്ക് വന്ന ഒരു ട്രാക്ടർ- ട്രെയിലർ ഒരു എസ്‌യുവിയും ആയിട്ടാണ് കൂട്ടിയിടിച്ചത്. എസ്‌യുവി ഓടിച്ചിരുന്ന സ്ത്രീയാണ് മരിച്ചത്. ട്രാക്ടർ-ട്രെയിലറിന്റെ ഡ്രൈവർക്ക് നിസാര പരിക്കേൽക്കുകയും ചെയ്തു.ഉടൻ തന്നെ ഒന്റാറിയോ പ്രവിശ്യാ പോലീസ് സ്ഥലത്തെത്തി നടപടികൾ സ്വീകരിച്ചു.