കാനഡയാണോ മനസ്സിൽ! സർക്കാരിന്റെ പുതിയ നീക്കം കുടിയേറ്റക്കാർക്ക് അനുകൂലമാകുമോ?

കാനഡയിലെ തൊഴിലാളികളിൽ 25 ശതമാനം കുടിയേറ്റക്കാരെ നിലനിർത്താൻ സർക്കാർ ലക്ഷ്യമിടുന്നതായി റിപ്പോർട്ട്. കനേഡിയൻ സമ്പദ്‌വ്യവസ്ഥ പ്രധാനമായും കുടിയേറ്റക്കാരെ ആശ്രയിച്ചായതിനാലാണ് ഈ തീരുമാനം. ജോലികൾക്ക് ആൾക്ഷാമമില്ലാത്തതും കാര്യങ്ങൾ സുഗമമായി നടക്കുന്നതും ഇത്തരത്തിൽ കുടിയേറ്റക്കാർ ഉള്ളതുകൊണ്ടാണ്. മുൻകാലങ്ങളിൽ, കനേഡിയൻ തൊഴിലാളികളിൽ ഏകദേശം 22-23% (ജോലിയുള്ള ആളുകൾ) കുടിയേറ്റക്കാരായിരുന്നു. എന്നാൽ COVID-19ന് ശേഷം, തൊഴിലാളി ക്ഷാമത്തിൽ നിന്ന് കരകയറാൻ കാനഡ കൂടുതൽ കുടിയേറ്റക്കാരെ കൊണ്ടുവന്നതിനാൽ ഈ സംഖ്യ ഏകദേശം 29% ആയി ഉയർന്നു. റസ്റ്റോറന്റുകൾ, റീട്ടെയിൽ തുടങ്ങിയ കുറഞ്ഞ വൈദഗ്ധ്യമുള്ള ജോലികളിലെ താൽക്കാലിക വിദേശ തൊഴിലാളികളുടെ (TFW) എണ്ണം 2016 മുതൽ വളരെയധികം വർദ്ധിച്ചിട്ടുണ്ട്.