കാനഡയിൽ പുതിയ ഡിസെബിലിറ്റി ബെനിഫിറ്റ് പദ്ധതിക്ക് അപേക്ഷകൾ സ്വീകരിച്ചു തുടങ്ങി. നിലവിൽ ഡിസെബിലിറ്റി ടാക്സ് ക്രെഡിറ്റിന് അർഹതയുള്ള 18 നും 64 നും ഇടയിൽ പ്രായമുള്ളവർക്ക് ഈ പദ്ധതിയുടെ നേട്ടം ഉണ്ടാകും. ആദ്യ പേയ്മെന്റുകൾ ജൂലൈ മാസത്തിൽ ആരംഭിക്കുമെന്ന് ഫെഡറൽ സർക്കാർ അറിയിച്ചു. പ്രതിമാസം 200 ഡോളർ വരെ സഹായം നൽകുന്ന ഈ പദ്ധതി, പ്രവിശ്യാ/ടെറിട്ടോറിയൽ സഹായങ്ങൾക്ക് പുറമെ ഒരു അധിക പിന്തുണ നൽകാനാണ് ലക്ഷ്യമിടുന്നത്.
ആൽബർട്ട ഒഴികെയുള്ള എല്ലാ പ്രവിശ്യകളും ഈ തുക അവരുടെ നിലവിലുള്ള സഹായങ്ങളിൽ നിന്ന് കുറവ് വരുത്തില്ലെന്ന് ഉറപ്പുനൽകിയിട്ടുണ്ടെന്ന് തൊഴിൽ, കുടുംബ, സാമൂഹിക വികസന മന്ത്രിയായ പാറ്റി ഹൈഡു വ്യക്തമാക്കി.
ഭിന്നശേഷിയുള്ളവരെ ദാരിദ്ര്യത്തിൽ നിന്ന് മുക്തരാക്കുന്നതിനുള്ള ട്രൂഡോ സർക്കാരിന്റെ പ്രധാന പ്രതിജ്ഞകളിലൊന്നാണ് ഈ പദ്ധതി.
എന്നാൽ, ഭിന്നശേഷിയുള്ളവർക്കായി പ്രവർത്തിക്കുന്ന നിരവധി സംഘടനകൾ ഈ തുക മാത്രം ദാരിദ്ര്യം തുടച്ചുനീക്കാൻ പര്യാപ്തമല്ലെന്ന് വിമർശിക്കുന്നു. “ഇത് ഒരാളുടെ ജീവിതച്ചെലവിന് മതിയായ തുകയല്ല, അതിനായി രൂപകൽപ്പന ചെയ്തതുമല്ല,” ഹൈഡു പറയുന്നു. “എന്നിരുന്നാലും, അവരുടെ വരുമാനവും നിലവിലുള്ള സാമ്പത്തിക അവസ്ഥയും പൂരകമാക്കാൻ കഴിയുന്ന ഒരു അധിക ആനുകൂല്യമാണിത്.
ടാക്സ് ക്രെഡിറ്റിനും ഈ പുതിയ ബെനിഫിറ്റിനും എങ്ങനെ അപേക്ഷിക്കണം എന്നതിനെക്കുറിച്ച് സഹായം നൽകാനായി കമ്മ്യൂണിറ്റി സംഘടനകൾക്ക് സർക്കാർ ഫണ്ടും അനുവദിച്ചിട്ടുണ്ട്.
