കാനഡയിൽ ജനസംഖ്യാ വളർച്ച മന്ദ​ഗതിയിൽ; സ്റ്റാറ്റിസ്റ്റിക്സ് കാനഡ റിപ്പോർട്ട്

കാനഡയിൽ വർഷത്തിന്റെ ആദ്യ പാദത്തിൽ ജനസംഖ്യാ വളർച്ച മന്ദ​ഗതിയിലെന്ന് സ്റ്റാറ്റിസ്റ്റിക്സ് കാനഡയുടെ റിപ്പോർട്ട്.
ജനുവരി 1 മുതൽ ഏപ്രിൽ 1 വരെയുള്ള കണക്കാണ് പുറത്തുവന്നത്. ഈ കാലയളവിൽ കനേഡിയൻ ജനസംഖ്യയിൽ 20,107 പേരുടെ വർധനയാണ് ഉണ്ടായത്. ഇതോടെ ജനസംഖ്യ 41,548,787 ആയി. 2020 ലെ മൂന്നാം പാദത്തിൽ 1,232 പേർ കുറഞ്ഞതിന് ശേഷമുള്ള ഏറ്റവും ചെറിയ വർധനവാണിത്.

2024-ൽ താൽക്കാലിക, സ്ഥിര കുടിയേറ്റത്തിന്റെ തോത് കുറയ്ക്കാൻ ഫെഡറൽ ഗവൺമെന്റ് തീരുമാനിച്ചതിനുശേഷം തുടർച്ചയായ ആറാം പാദത്തിലാണ് ജനസംഖ്യാ വളർച്ച മന്ദഗതിയിലായത്. 2025 ന്റെ ആദ്യ പാദത്തിൽ കാനഡ 104,256 കുടിയേറ്റക്കാരെ രാജ്യത്തേക്ക് സ്വാ​ഗതം ചെയ്തു. എന്നാൽ 17,410 കുടിയേറ്റക്കാർ രാജ്യം വിടുകയും ചെയ്തു. സ്ഥിരതാമസക്കാരല്ലാത്തവരുടെ എണ്ണം 61,111 ആയി കുറഞ്ഞു.