കാൽഗറിയിൽ അഞ്ചാംപനി സ്ഥിരീകരിച്ച ഒരാൾ പകർച്ചവ്യാധിയുമായി നിരവധി പൊതുസ്ഥലങ്ങളിൽ പങ്കെടുത്തതായി ആൽബെർട്ട ഹെൽത്ത് സർവീസസ് (AHS) അറിയിച്ചു. മെയ് 29 മുതൽ ജൂൺ 4 വരെ വിവിധ ദിവസങ്ങളിൽ കാൽഗറിയിലെയും കനനാസ്കിസിലെയും ചില ക്ലബ്ബുകളും പാർക്കുകളും രോഗബാധിതൻ സന്ദർശിച്ചതായും, ആരോഗ്യ വകുപ്പ് മുന്നറിയിപ്പ്. ഇതിൽ കൂടുതൽ സ്ഥലങ്ങൾ കൂടി ഉൾപ്പെടാൻ സാധ്യത ഉണ്ടെന്നാണ് അധികൃതർ പറയുന്നത്
1970-ലോ അതിനുശേഷമോ ജനിച്ചവരിലും, രണ്ട് ഡോസുകൾക്ക് താഴെ മീസിൽസ് വാക്സിൻ സ്വീകരിച്ചവരിലും രോഗബാധയ്ക്ക് കൂടുതൽ സാധ്യതയുണ്ടെന്ന് അധികൃതർ അറിയിച്ചു. ആളുകൾക്ക് അഞ്ചാം പനിയുടെ ലക്ഷണങ്ങൾ ശ്രദ്ധാപൂർവ്വം നിരീക്ഷിക്കാനും സ്വന്തം രോഗപ്രതിരോധ കുത്തിവയ്പ്പ് രേഖകൾ പരിശോധിക്കാനുമുള്ള നിർദ്ദേശവും അധികൃതർ നൽകിയിട്ടുണ്ട്.
38.3 ഡിഗ്രി സെൽഷ്യസോ അതിലധികമോ പനി, ചുമ, മൂക്കൊലിപ്പ്, കണ്ണുകൾ ചുവക്കൽ, മുഖത്ത് ശരീരത്തിലുമായി ഉണലുകൾ കാണപ്പെടുക എന്നിവ അഞ്ചാംപനിയുടെ ലക്ഷണങ്ങളിൽ പ്രധാനമാണ്. ഈ ലക്ഷണങ്ങൾ കണ്ടാൽ ആശുപത്രി സന്ദർശിക്കുന്നതിന് മുമ്പ് മീസിൽസ് ഹോട്ട്ലൈനിൽ വിളിക്കണമെന്നാണ് ആരോഗ്യവകുപ്പ് നിർദേശിച്ചിരിക്കുന്നത്.
AHS പ്രകാരം, അഞ്ചാംപനി വാക്സിൻ സൗജന്യവും കാര്യക്ഷമവുമാണ്. രോഗവ്യാപനം തടയുന്നതിനായി കൂടുതൽ വിവരങ്ങൾക്കും അപ്ഡേറ്റുകൾക്കും ahs.ca/measles വെബ്സൈറ്റ് സന്ദർശിക്കുക.
