ഒന്റാറിയോയിൽ അഞ്ചാംപനി വ്യാപനം ആശങ്ക ഉയർത്തുന്നതായി ആരോഗ്യവകുപ്പ് റിപ്പോർട്ട് ചെയ്യുതു.വെറും ഒരു ആഴ്ചയ്ക്കുള്ളിൽ 223 പുതിയ കേസുകളാണ് റിപ്പോർട്ട് ചെയ്തത്.നിലവിൽ ആകെ 1,243 കേസുകൾ റിപ്പോർട്ട് ചെയ്തിട്ടുണ്ട്, ഇതിൽ 84 പേർ ആശുപത്രിയിൽ പ്രവേശിപ്പിക്കപ്പെട്ടു അതിൽ 63 പേരും കുട്ടികളാണ്.
“അഞ്ചാംപനിക്കെതിരെ ഫലപ്രദമായും ദീർഘകാല സംരക്ഷണം നൽകുന്ന വാക്സിൻ ഒന്റാറിയോയിൽ നാളുകളായി ലഭ്യമാണ്.,” എന്ന് ആരോഗ്യമന്ത്രി സിൽവിയ ജോൺസ് പ്രസ്താവിച്ചു. അതേസമയം, പ്രാഥമിക ആരോഗ്യ സേവനങ്ങൾ മെച്ചപ്പെടുത്താൻ 17 പരിശീലന ക്ലിനിക്കുകൾക്ക് 300 മില്യൺ ഡോളറിന്റെ ഫണ്ടിംഗ് പദ്ധതിയും അവർ പ്രഖ്യാപിച്ചു.
പ്രതിപക്ഷ നേതാക്കളും ആരോഗ്യ വിദഗ്ധരും സർക്കാരിന്റെ നടപടികളെ വിമർശിക്കുന്നതിനിടെ, മന്ത്രി ജോൺസ് സർക്കാരിന്റെ പ്രതികരണത്തെ ന്യായീകരിച്ചു. രോഗവ്യാപനത്തിന്റെ തുടക്കം മെന്നോനൈറ്റ് സമ്മേളനത്തിൽ പങ്കെടുത്ത യാത്രക്കാരിൽ നിന്നാണെന്ന് കണ്ടെത്തിയിട്ടുണ്ട്. നീതി പുലർത്തുന്ന ആരോഗ്യനയത്തിനായാണ് ഞങ്ങൾ നിലകൊള്ളുന്നത് എന്ന് പറഞ്ഞ സ്റ്റൈൽസ്, തൽസമയം പ്രതികരണങ്ങളും കാമ്പയിനും ആവശ്യപ്പെട്ടു.
