ടൊറന്റോ — കനേഡിയൻ ഡോളർ ഏഴുമാസത്തിനിടെയുള്ള ഇക്കഴിഞ്ഞ ചൊവ്വാഴ്ച ഏറ്റവും ഉയർന്ന നിലയിലെത്തിയാതായി റിപ്പോർട്ടുകൾ വ്യക്തമാക്കുന്നുണ്ട്. അമേരിക്കൻ ഡോളറിന്റെ പൊതുവായ ദൗർബല്യവും കനേഡിയൻ പ്രധാനമന്ത്രി മാർക്ക് കാർണിയുടെ വൈറ്റ് ഹൗസ് സന്ദർശനത്തിനിടെ വ്യാപാരനയത്തിലുണ്ടായ പുതിയ ശ്രദ്ധയുമാണ് കറൻസിയുടെ മൂല്യവർധനയ്ക്ക് കാരണമായത്. കനേഡിയൻ ഡോളർ 0.4% ഉയർന്ന് 1.3775 യു.എസ് ഡോളറായി. ഒക്ടോബർ 17-നു ശേഷമുള്ള ഏറ്റവും ഉയർന്ന നിലയായ 1.3751 എന്ന ദിവസത്തെ ഉയർച്ചയും രേഖപ്പെടുത്തി.
അമേരിക്കൻ പ്രസിഡന്റ് ഡൊണാൾഡ് ട്രംപ് കനേഡിയൻ വ്യാപാരത്തിൽ കടുത്ത നിലപാട് സ്വീകരിക്കുന്നതായി സൂചിപ്പിച്ച പ്രസ്താവനകൾ വിപണിയിൽ ആശങ്ക സൃഷ്ടിച്ചെങ്കിലും, കാനഡയുടെ വ്യാപാരക്കമ്മി മാർച്ചിൽ പ്രതീക്ഷിക്കാതെ C$506 മില്യണിലേക്ക് കുറഞ്ഞതായി കണക്കുകൾ വ്യക്തമാക്കുന്നു. അമേരിക്കയിലേക്കുള്ള കയറ്റുമതി 6.6% കുറഞ്ഞപ്പോഴും, മറ്റ് ആഗോള വിപണികളിലേക്കുള്ള കയറ്റുമതി വർധിച്ചതാണ് ഈ മികച്ച പ്രകടനത്തിന് കാരണം.
സാമ്പത്തിക വിദഗ്ധർ ലൂണിയുടെ ഉയർച്ചയ്ക്ക് പ്രധാനമായും രണ്ട് കാരണങ്ങൾ ചൂണ്ടിക്കാട്ടുന്നു. യു.എസ് ഡോളറിന്റെ സമഗ്രമായ മൂല്യത്തകർച്ചയും കാനഡയുടെ പ്രധാന കയറ്റുമതി ഉൽപന്നമായ എണ്ണയുടെ വിലയിലുണ്ടായ വർധനവും. യൂറോപ്പിലും ചൈനയിലും നിന്നുള്ള ആവശ്യകത വർധിച്ചതിനെത്തുടർന്ന് യു.എസ് ക്രൂഡ് ഓയിൽ വില 3.4% ഉയർന്ന് ബാരലിന് $59.09 ആയി.
വ്യാപാര സംഘർഷങ്ങൾ തുടരുന്നെങ്കിലും, കാനഡയുടെ സാമ്പത്തിക സ്ഥിതി മികച്ചതാണെന്ന് ഇത് സൂചിപ്പിക്കുന്നു. കാനഡിയൻ സർക്കാർ ബോണ്ടുകളുടെ വരുമാനം യു.എസ് ട്രഷറികൾക്ക് സമാനമായി കുറഞ്ഞു, 10-വർഷ നിരക്ക് 3.4 അടിസ്ഥാന പോയിന്റുകൾ കുറഞ്ഞ് 3.155% ആയി. അമേരിക്കയ്ക്കപ്പുറത്തേക്ക് വ്യാപാര ബന്ധങ്ങൾ വൈവിധ്യവൽക്കരിക്കാനുള്ള കാനഡയുടെ ശ്രമങ്ങളിൽ വിപണി വിശ്വാസം പ്രകടിപ്പിക്കുന്നു.
