ടൊറന്റോ : ഒന്റാരിയോ പ്രീമിയർ ഡഗ് ഫോർഡ് സംസ്ഥാനത്തെ ചില നീതിന്യായാധിപന്മാരെ “bleeding hearts” എന്ന് വിശേഷിപ്പിച്ച് കടുത്ത വിമർശനം നടത്തി. അദ്ദേഹത്തിന്റെ അഭിപ്രായത്തിൽ, ഈ ജഡ്ജിമാർ നിയമത്തെക്കാൾ സ്വന്തം ആശയങ്ങളെ അടിസ്ഥാനമാക്കിയാണ് തീരുമാനങ്ങൾ എടുക്കുന്നത്. ജസ്റ്റിസ് പോൾ ഷബാസിന്റെ നേതൃത്വത്തിലുള്ള കോടതി, ഭരണഘടനാപരമായ വെല്ലുവിളി തീരുമാനമാകുംവരെ ടൊറന്റോയിലെ മൂന്ന് ബൈക്ക് ലെൻസ് നീക്കം ചെയ്യുന്നത് താൽക്കാലികമായി തടഞ്ഞതാണ് ഫോർഡിനെ പ്രകോപിപ്പിച്ചത്.
അമേരിക്കയിലെ ചില പ്രദേശങ്ങളിലെപ്പോലെ കാനഡയിലും ജഡ്ജിമാരെ തിരഞ്ഞെടുക്കുന്ന രീതി പരിഗണിക്കണമെന്ന് ഫോർഡ് നിർദ്ദേശിച്ചു. ഇത് അവരെ കൂടുതൽ ഉത്തരവാദിത്തമുള്ളവരാക്കുമെന്ന് അദ്ദേഹം വിശ്വസിക്കുന്നു. സർക്കാർ തീരുമാനങ്ങളിൽ ജഡ്ജിമാർ ഇടപെടുന്നതിൽ കടുത്ത അമർഷം പ്രകടിപ്പിച്ച ഫോർഡ്, “നിങ്ങൾ നേരത്തെ വിരമിക്കാൻ ഞാൻ പണം നൽകാം” എന്ന് വരെ പറഞ്ഞു.
ജാമ്യ പരിഷ്കാരത്തെക്കുറിച്ചുള്ള വാർത്താസമ്മേളനത്തിനിടെയാണ് ഫോർഡ് ഈ പ്രസ്താവന നടത്തിയത്. ജാമ്യ വ്യവസ്ഥ തകർന്നിരിക്കുന്നുവെന്നും പുതുതായി തിരഞ്ഞെടുക്കപ്പെട്ട പ്രധാനമന്ത്രി മാർക്ക് കാർണിയിൽ നിന്ന് നടപടി ആവശ്യമാണെന്നും അദ്ദേഹം അഭിപ്രായപ്പെട്ടു. “നമ്മുടെ നീതിന്യായ വ്യവസ്ഥയിൽ അമേരിക്കൻ ശൈലിയിലുള്ള രാഷ്ട്രീയം കൊണ്ടുവരുന്നത് അപകടകരമാണ്,” എന്ന് NDP നേതാവ് മാരിറ്റ് സ്റ്റൈൽസ് മുന്നറിയിപ്പ് നൽകി. ഫോർഡിന്റെ പരാമർശങ്ങളെ അദ്ദേഹം “un-Canadian” എന്ന് വിശേഷിപ്പിച്ചു.
