എഡ്മന്റൺ: നോർത്ത് എഡ്മന്റണിലുണ്ടായ വാഹനാപകടത്തിൽ നാലുവയസ്സുകാരിക്ക് ദാരുണാന്ത്യം. ഞായറാഴ്ച വൈകുന്നേരം 5:15-ഓടെയായിരുന്നു സംഭവം. 66 സ്ട്രീറ്റിനും 170 അവന്യൂവിനും സമീപമുള്ള പാർക്കിംഗ് ലോത്തിലൂടെ അമ്മയോടൊപ്പം നടന്നുപോകുകയായിരുന്ന പെൺകുട്ടി പെട്ടെന്ന് കൈവിട്ട് റോഡിലേക്ക് ഓടിക്കയറുകയായിരുന്നു. ഈ സമയം അതുവഴി വന്ന ജീപ്പ് കുട്ടിയെ ഇടിക്കുകയായിരുന്നു.
അപകടസ്ഥലത്തുണ്ടായിരുന്നവർ ഉടൻ തന്നെ പ്രഥമശുശ്രൂഷ നൽകുകയും കുട്ടിയെ സ്റ്റോളറി ചിൽഡ്രൻസ് ആശുപത്രിയിൽ എത്തിക്കുകയും ചെയ്തെങ്കിലും ജീവൻ രക്ഷിക്കാനായില്ല.
സംഭവത്തിൽ കാർ ഓടിച്ചിരുന്ന 23-കാരിയായ യുവതി സ്ഥലത്തുതന്നെ തുടരുകയും പോലീസുമായി സഹകരിക്കുകയും ചെയ്തു. അമിതവേഗതയോ മദ്യപാനമോ അപകടത്തിന് കാരണമായിട്ടില്ലെന്ന് എഡ്മോണ്ടൻ പോലീസ് സർവീസ് വ്യക്തമാക്കി. സംഭവത്തിൽ ഉൾപ്പെട്ടവർക്കായി കൗൺസിലിംഗ് ഉൾപ്പെടെയുള്ള സഹായങ്ങൾ പോലീസ് ഒരുക്കുന്നുണ്ട്.
4-year-old girl killed after running into street in north Edmonton: EPS
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
