വിന്നിപെഗിലെ ഒരു ഹൈസ്കൂളിന് നേരെ ഭീഷണി സന്ദേശം ലഭിച്ചതിനെത്തുടർന്ന് ബുധനാഴ്ച ക്ലാസുകൾ റദ്ദാക്കി. ലൂയിസ് റീൽ സ്കൂൾ ഡിവിഷന് (LRSD) കീഴിലുള്ള വിൻഡ്സർ പാർക്ക് കൊളീജിയറ്റിന് നേരെയാണ് ആശങ്കാജനകമായ ഭീഷണി ഉണ്ടായത്. വിദ്യാർത്ഥികളുടെയും ജീവനക്കാരുടെയും സുരക്ഷയ്ക്കും ക്ഷേമത്തിനുമാണ് ഡിവിഷൻ മുൻഗണന നൽകുന്നതെന്നും അതുകൊണ്ടാണ് ഇങ്ങനെയൊരു തീരുമാനമെടുത്തതെന്നും സ്കൂൾ ഡിവിഷൻ സൂപ്പർവൈസറും സി.ഇ.ഒയുമായ ക്രിസ്റ്റ്യൻ മിച്ചാലിക് പ്രസ്താവനയിൽ അറിയിച്ചു.
ഭീഷണിക്ക് പിന്നിൽ ആരാണെന്ന് കണ്ടെത്താൻ സ്കൂൾ അധികൃതർ വിന്നിപെഗ് പോലീസുമായി ചേർന്ന് അന്വേഷണം നടത്തിവരികയാണ്. കുട്ടികളെ ചോദ്യം ചെയ്യുന്നതടക്കമുള്ള നടപടികൾ സ്വീകരിച്ചിട്ടും ഭീഷണിക്ക് പിന്നിലുള്ളവരെ ഇതുവരെ തിരിച്ചറിയാൻ സാധിച്ചിട്ടില്ല. ഇതിനെത്തുടർന്ന് സ്കൂളിലെ സുരക്ഷാ സംവിധാനങ്ങൾ കർശനമാക്കിയിട്ടുണ്ട്. ഇനി മുതൽ സ്കൂളിലെ എല്ലാ വാതിലുകളും അടച്ചിടാനാണ് തീരുമാനം. ജിമ്മിന് അടുത്തുള്ള പടിഞ്ഞാറ് വശത്തെ വാതിലിലൂടെ മാത്രമേ സ്കൂളിലേക്ക് പ്രവേശനം അനുവദിക്കൂ. കൂടാതെ, ഈ ആഴ്ചയിലുടനീളം സ്കൂൾ ഡിവിഷനിൽ നിന്നുള്ള പ്രത്യേക ഉദ്യോഗസ്ഥർ മേൽനോട്ടത്തിനും വിദ്യാർത്ഥികൾക്ക് പിന്തുണ നൽകാനുമായി സ്കൂളിലുണ്ടാകും.
വിൻഡ്സർ പാർക്കിന് അടുത്തുള്ള കോളേജ് ബെലിവ്യൂവിൽ ക്ലാസുകൾ പതിവുപോലെ നടക്കുമെങ്കിലും അവിടെയും പ്രവേശന കവാടങ്ങളിൽ നിരീക്ഷണം ശക്തമാക്കും. സമീപകാലത്തായി വിന്നിപെഗിലെ നിജി മഹ്ക്വ, സെന്റ് ജോൺസ് ഹൈസ്കൂൾ, ബെർണി വുൾഫ് സ്കൂൾ എന്നിവിടങ്ങളിലും സമാനമായ ഭീഷണി സന്ദേശങ്ങൾ റിപ്പോർട്ട് ചെയ്തിരുന്നു. നിജി മഹ്ക്വ സ്കൂളുമായി ബന്ധപ്പെട്ട കേസിൽ ഒരു കൗമാരക്കാരനെ പോലീസ് ഇതിനോടകം അറസ്റ്റ് ചെയ്തിട്ടുണ്ട്. മറ്റ് സ്കൂളുകളിലെ ഭീഷണികളെക്കുറിച്ച് പോലീസ് അന്വേഷണം തുടരുകയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Winnipeg high school cancels classes Wednesday due to reported threat
