വാഷിംഗ്ടൺ: റഷ്യൻ എണ്ണ ഉപരോധവുമായി ബന്ധപ്പെട്ട ഇന്ത്യയുടെ നിലപാടിനെ പരിഹസിച്ച് അമേരിക്കൻ ട്രഷറി സെക്രട്ടറി സ്കോട്ട് ബെസെന്റ്. എണ്ണ വ്യാപാര കാര്യത്തിൽ ഇന്ത്യ ‘മികച്ച അഭിനേതാക്കളാണെന്ന്’ അദ്ദേഹം ഒരു ടെലിവിഷൻ അഭിമുഖത്തിനിടെ പ്രതികരിച്ചു. റഷ്യയിൽ നിന്ന് എണ്ണ വാങ്ങരുതെന്ന് ആദ്യം അമേരിക്ക ആവശ്യപ്പെട്ടപ്പോൾ ഇന്ത്യ അത് അനുസരിക്കുകയും, പിന്നീട് ചില ഇളവുകൾ നൽകിയപ്പോൾ അതും സ്വീകരിക്കുകയും ചെയ്തുവെന്നാണ് സ്കോട്ട് ബെസെന്റ് പരിഹാസരൂപേണ വ്യക്തമാക്കിയത്. ഫോക്സ് ബിസിനസിന്റെ ‘കുഡ്ലോ’ പ്രോഗ്രാമിലായിരുന്നു അദ്ദേഹത്തിന്റെ ഈ പരാമർശം.
റഷ്യൻ എണ്ണയ്ക്ക് പകരമായി അമേരിക്കൻ എണ്ണ ഉപയോഗിക്കാൻ ഇന്ത്യ പദ്ധതിയിട്ടിരുന്നതായും അദ്ദേഹം അവകാശപ്പെട്ടു. എന്നാൽ പശ്ചിമേഷ്യയിലെ സംഘർഷങ്ങൾ മൂലം ആഗോള എണ്ണ വിതരണത്തിൽ തടസ്സങ്ങൾ നേരിടാൻ സാധ്യതയുള്ളതിനാലാണ് ഇന്ത്യക്ക് നിലവിൽ ഇളവ് നൽകിയിരിക്കുന്നത്. നിലവിൽ കപ്പലുകളിൽ ഇറാൻ അതിർത്തികളിൽ കുടുങ്ങിക്കിടക്കുന്ന റഷ്യൻ അസംസ്കൃത എണ്ണ സ്വീകരിക്കാൻ മാത്രമാണ് വാഷിംഗ്ടൺ അനുമതി നൽകിയിട്ടുള്ളത്. ഹ്രസ്വകാലാടിസ്ഥാനത്തിലുള്ള ഈ അനുമതി എണ്ണവില വർദ്ധിക്കുന്നത് തടയാനുള്ള മുൻകരുതൽ മാത്രമാണെന്ന് അദ്ദേഹം കൂട്ടിച്ചേർത്തു.
ഇന്ത്യക്ക് നൽകിയിരിക്കുന്ന ഈ അനുമതി താത്കാലികം മാത്രമാണെന്ന് യുഎസ് ട്രഷറി സെക്രട്ടറി പ്രത്യേകം ഓർമ്മിപ്പിച്ചു. കടലിൽ കുടുങ്ങിക്കിടക്കുന്ന ചരക്ക് നീക്കം പൂർത്തിയാക്കാൻ വേണ്ടിയാണ് ഈ ഇളവ്. ഇറാൻ-ഇസ്രായേൽ സംഘർഷം പശ്ചിമേഷ്യയിലെ വിതരണ ശൃംഖലയെ ബാധിക്കുമെന്ന ആശങ്ക നിലനിൽക്കുന്നതിനാലാണ് അമേരിക്കയുടെ ഈ തന്ത്രപരമായ നീക്കം. ആഗോള എണ്ണ വിപണിയിലെ അസ്ഥിരത ഒഴിവാക്കാൻ വേണ്ടിയാണ് നിലവിൽ ഇന്ത്യയുടെ നടപടികളെ അമേരിക്ക അംഗീകരിക്കുന്നതെന്നും അദ്ദേഹം വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
US says concession to India on buying Russian oil is temporary; Scott Besant criticizes
